ORALE 1, Glossarium mediae et infimae latinitatis, Du Cange et al.

« 1 orale » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 052b. http://ducange.enc.sorbonne.fr/ORALE1

1. ORALE, Vestis Episcopalis, in formam sindonis, quam Pontifex Romanus capiti quasi in modum veli imponit, et replicat super humeros et ante pectus. Ita Innocentius III. lib. 1. Myster. Missæ cap. 53. et ex eo Durandus lib. 3. Ration. cap. 9. Testamentum Leodebodi Abbatis apud Helgaudum in Roberto Rege :

Sandalia 2. ad Missas, et Oralia ad mensam una cum cappis et omni apparatu, etc.

Wolphardus Presb. lib. 2. de Vita S. Walburgis num. 2 :

Risile, quo super aurem Orale confixerat, casu perdidit accidente.

Charta Sisnandi Episcopi Iriensis æræ 952. apud Anton. de Yepez in Chronico Ord. S. Benedicti tom. 4 :

Id est, ministeria Ecclesiæ, calicem argenteum cum sua paropside, crucem argenteam, capsa argentea, signum cum * aquisibus suis, frontales duos, palces, pallas desuper altare, duas pallas, vellos duos, casullas duas, Orales tres, etc.

Alias Rudesindi Episcopi Dumiensis æræ 930. apud eumdem tom. 5 :

Orales 11. ex quibus unum auro et argento compositum.

◊ Oralia feminis etiam adscribit Concilium Arelatense ann. 1234. cap. 16 :

Mulieres autem Judeæ a 12. annis et supra, Oralia deferant extra domos.

Id est vela quibus caput et os tegant. Statuta Massil. lib. 5. cap. 14 :

Judææ maritatæ undecunque sint, portent Orales.

les Bénédictins de St. Maur, 1733–1736.

Oralis, Sudarium, quo os abstergitur. Acta SS. Maii tom. 6. pag. 661. et Junii tom. 2. pag. 1049. de S. Hesychio Martyre :

Et accipiens Oralem, ligavit oculos suos et tetendit cervicem ; miles autem adducens gladium, finem imposuit martyrio.

Vide Orarium.