Ordinarii 3, Glossarium mediae et infimae latinitatis, Du Cange et al.

« 3 ordinarii » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 059a. http://ducange.enc.sorbonne.fr/ORDINARIUS3

3. Ordinarii dicuntur Canonici Ecclesiarum Collegialium, in Charta ann. 1040. apud Ughellum tom. 4. pag. 147. 961. et Puricellum in Ambros. Basil. pag. 452. 517. Landulphus Junior in Hist. Mediol. cap. 22. apud Murator. tom. 5. pag. 492 : Anno 1105. 7. Id.

Maii inventæ sunt reliquiæ pretiosæ in ecclesia S. Mariæ ad Portam ; unde Ordinarii cum universo Clero statuerunt Festum solemne illa die in ecclesia prædicta, in cujus rei testimonium talis extat Epistola : Ordinarii Cardinales sanctæ Mediolanensis ecclesiæ, necnon et Primicerius cum universo Sacerdotio et Clero Mediolanensi, etc.

ubi patet ipsos Canonicos Ecclesiæ Cathedralis appellari Ordinarios, adjecto Cardinalium titulo, qui saltem ad annum 1557. retentus est in Ecclesia, ut probat laudatus, et nunquam satis laudandus, Muratorius loco citato : ubi et illud observat, abrogata fuisse a S. Pio V. hujusmodi Ecclesiarum privilegia ann. 1568. Gualvaneus Flammeus per Ordinarios, Ecclesiæ Mediolanensis Canonicos etiam intelligit apud eumdem Murator. tom. 12. col. 1048. Sic etiam Continuator Regionis, quem laudat Mabillonius tom. 3. Annal. Bened. pag. 386. Ordinarios vocat Canonicos Strazburgenses, ubi docet Bennonem ex iis Ordinariis factum fuisse Metensem Episcopum.

les Bénédictins de St. Maur, 1733–1736.

Ordinarioli, f. minores Ordinarii seu Canonici. Gualvaneus Flammeus loco mox laudato :

Dominica prima post Ascensionem Domini, Ordinarioli vicissim portant anulum et albam rubeam, quæ sunt Archiepiscopi.

P. Carpentier, 1766.

◊ Ii etiam intelligi possunt, qui minoribus ordinibus sunt donati, ex eo maxime quod post subdiaconos appellantur in Ordine eccl. Ambros. ann. circ. 1130. apud Murator. tom. 4. Antiq. Ital. med. ævi col. 901 :

Et similiter omnes subdiaconi vicisssim portant Evangelium et baculum sancti Ambrosii per omnes ecclesias, et Ordinarioli etiam vicissim portant albam rubeam et baculum.

Vide in Ordinarius 1.