OTLINGUASaxonica, in Capitul. Caroli Cal. pag. 113. 1. edit. Ordinatio Missorum ann. 853. Pertz. pag. 426. Sic dictus pagus in Neustria, ubi consedere Saxones cognominati Otlingi. Saxones ad oras Sequanæ maritimas consedisse probat littus Saxonicum in Gallia, cujus mentio est in Notitia Imperii. Saxones Bajocassinos memorat Gregorius Turon. lib. 5. Hist. cap. 27. Vetus Charta laudata a Baluzio, de mansionibus et novalibus S. Salvatoris Cenomanensis :

In Autlingua Saxonica unum.

Laudatur ab eodem Præceptum Caroli Calvi quo Attoni dat villam

Heidram, sitam in Comitatu Bajocense, in pagello, qui dicitur Otlingua Saxonia

.