PAIUM, Payum, Solutio, pecuniarum seu redituum repartitio et distributio. Acta Mss. capit. eccl. Lugdun. ad ann. 1337. fol. 28. r°. col. 1 :

Item concesserunt et voluerunt, quod in primo Paio dividendo, dominus A. de Montebello percipiat quatuor solidos pro duobus solidis, quos in Payo habebat.... Item quod cum dom. decanus et capitulum teneantur dom. Guillelmo de Rosseillione canonico Lugdun. anno quolibet in xl. libris Vienn. sibi assignatis super Payo ecclesiæ Lugdun. ipsi dom. decanus et capitulum ipsam pecuniam sibi assignant super commune ecclesiæ Lugdunensis.

Ibid. fol. 32. v°. col. 2 :

Attendentes quod ceteræ refusiones pecuniales, quæ Paya ecclesiæ vulgariter nuncupantur, etc.

Rursum fol. 95. v°. col. 1 :

Ordinaverunt quod aliquod Payum non dividatur, nec de ipso gratia alicui fiat, donec ipsum Payum sit completum et sine deffectu.

Vide in Pacare.