PAPELINA. Vetus Necrolog. Eccl. Rem. :

Debent Senescalli de vino prædictæ vineæ unam Papelinam.

Ibid. :

Debet hospitale nostrum Papelinam unam de quadam vinea sita in cretaria Andreæ.

Sic in Ecclesia Remensi vocabatur pastus seu extraordinaria refectio, quæ Canonicis in refectorio communi certis diebus subministrabatur, maxime vero iis diebus in quibus decantatæ fuerant natales Antiphonæ O ; idque ejus impensis qui antiphonam præcinuerat. Papelina dicta hæc refectio a campanula ejusdem nominis, cujus pulsu ad refectorium convocabantur Canonici aliique quibus id erat juris. Liber Collectarum in Tabul. Remensi sign. A. num. 76. fol. 72 :

De antiqua consuetudine Remensis Ecclesiæ, campana quæ Papeline vulgariter est vocata supra vetus refectorium capituli collocata, per spatium lente solet pulsari in crepusculo noctis cujuslibet a decimo sexto Kal. Januarii, etiam per octo dies subsequentes, ac etiam omni Vigilia dierum in quibus in refectorio sumitur pastus.

Corrupte Pampelune dicitur in Ceremoniali MS. ann. 1637. ejusd. Eccl. tom. 2. fol. 16. v° :

Le 15. de Decembre à sept heures du soir l'on sonne à l'église de S. Michel (quæ olim erat Canonicorum refectorium) une petite cloche appellée Pampelune.... le premier jour M. l'Archevesque doit faire donner le vin appellé le vin de Pampelune à un chascun de Messieurs les Chanoines, chascun un pot mesure du chapitre, et à ceux denommés au rôle.... Le septiéme O se chante par le sieur Chantre, l'hostel Dieu donne la Pampelune. La derniere Pampelune se donne par Messieurs du Chapitre par les mains de Messieurs les Senechaux et Officiers de la Senechaussée, le sieur Doyen chante le dernier O.

Ex quibus colligitur sequiori tempore ad solam vini distributionem id fuisse redactum.