2. PARANYMPHUS, in Scholis Parisiensibus dicitur, qui, peracto Licentiæ cursu, in solemni cœtu, unicuique Licentiato de doctrina, pietate, aliisque virtutibus quarum per Licentiam specimen edidit, gratulatur. Ab officio paranymphi erga sponsam manavit hæc appellatio ; is quippe gradum Licentiarum accepturos olim ad Cancellarium deducebat. Compendium jur. et consuet. Univers. Paris. per Rob. Goulet fol. 15 :

Et hora assignata venit Paranymphus seu legatus d. cancellarii cum ornamento ad hoc deputato et capa rubea ac pileo de veluto per quem licenciandi invitantur per dictum Paranymphum ex parte prædicti cancellarii ad diem crastinam in aula dom. Parisiensis episcopi gradum Licentiarum accepturi. Paranymphus semper ibidem habet orationem prolixam que arangua vocatur apud Gallos, de laudibus ipsius scientie in qua fiant Licentiandi, in Facultate precipua sacre Theologie tot habet orationes quot sunt Licenciandi.