1. PARTICIPIUM, Participatio, communio. Gloss. vet. : Participium, μετοχή. Participatus, in leg. 6. Cod. de Incest. nupt. (5, 5.) Matth. Paris ann. 1244 :

Abbates autem ipsi Regi super hoc gratias multiplicantes, speciale suorum bonorum operum et Participium concesserunt.

Vita S. Anselmi Cantuar. tom. 2. April. pag. 896 :

Fratrum laborum Participium abjicis.

Testam. Guillelmi Montispessul. ann. 1211. tom. 9. Spicil. Acher. pag. 162 :

Ita quod illi tres jam dicti nullam habeant administrationem, nec ullum Participium in administratione.

Occurrit in legibus Wisigoth. lib. 12. tit. 3. § 15. apud Gregorium M. lib. 1. Epist. 23. Petrum Blesensem Epist. 28. etc. Vide Beneficium 2.

2. PARTICIPIUM, Pars, portio. Chron. Camerac. tom. 10. Collect. Histor. Franc. pag. 199 :

Theodoricus Arnulfi Gandensis filius, qui Participium monarchiæ Frisonum tenebat, etc.

Vide mox