PARTIONARIA Colonia, quæ a colono partiario colitur, cujus fructus fundi dominus et colonus participant. Statuta Massil. lib. 2. cap. 29. § 2 :

Hoc idem dicimus in Partionario sive facherio colono seu emphiteota, et quod nullus notarius sub pœna officii sui sit ausus apponere sive ex pacto contrahentium hoc dicatur, vel alio modo, quod de re empta, vel in acaptum seu emphiteosim accepta seu ad Partionariam coloniam recepta debeat litigare.

Eadem apertius occurrunt lib. 3. cap. 33 :

Statuimus ut quicunque possessionem aliquam ad fachariam alicui dederit sive concesserit, vel dabit, vel concedet ad certam quantitatem, vel partem reddituum, etc.

Hinc