PASCUARIUM, Quod pro pascuis præstatur. Constitutio Chlotarii Regis cap. 11 :

Agraria, Pascuaria, vel decimas porcorum, etc.

Lex Wisigoth. lib. 8. tit. 5. § 8 :

Quod vero sortem suam totam forte concluserit, et aliena pascua absente domino invadit, sine Pascuario non præsumat, nisi forte dominus pascuæ voluerit.

Lex Bajwar. tit. 1. cap. 14. § 1 :

De triginta modiis tres donet, et Pascuarium desolvat secundum usum provinciæ.

Charta Caroli C. tom. 8. Spicileg. Acheriani pag. 350 :

Et ut nullus paraveredam, aut Pascuarium, vel mansionaticum... exigat.

Charta ejusd. Imp. ex Tabulario Brivatensi fol. 1 :

Aut fidejussores tollere, aut Pascuaria accipere etc.

Tabular. Eleemosynæ Montismorionis in Pictonibus fol. 66 :

Porci pauperum Pascuarium non dabunt in Ero luco, sed... in omni tempore pascua habentes, idem Pascharium dabunt, quod in nemore morabitur.

Vetus Notitia inter Concil. Hispan. tom. 3. pag. 142 :

Pascuario et teloneo quod dominus Imperator... perdonavit et cessit... Adalaricus Comes... ipso Pascuario et teloneo illi contendit injuste et contra legem. Pascario

editum in Append. Marcæ Hispan. col. 779. Occurrit etiam alibi. Adde Chartas alias apud Baluzium in Append. ad Capitul. n. 64. 116. 119. etc. Vide Pasquerium.