« »
 
[]« 1 passata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 196c. http://ducange.enc.sorbonne.fr/PASSATA1
1. PASSATA, Præstationis species, apud Occitanos. Charta Occitanica ann. 1312. in 48. Regesto Philippi Pulcri Regis Franc. ex Tabulario regio num. 28 :
Item Passatam seu bladatam quam nos habebamus in dicto loco de Sonolhaco, videlicet in quolibet agricultorum cum uno pari animalium, unum sextarium bladi, frumentum et avenam per medium ad mensuram Albiensem, etc.
Infra :
Item habebamus tunc in dictis locis una cum dicto Episcopo in quolibet animali grosso, exceptis animalibus terram excolentibus 8. den. Turon. pro Passata, et in quolibet [] pecude seu animali minuto unam pictam Caturcensem, etc.
Occurrit ibi pluries. Codex MS. Consuet. et privileg. Tolos. fol. 38 :
Senescallus deffendat Consules et Universitates a nova impositione servitutis facienda per Prælatos... et a nova exactione præstationis Passatæ.
P. Carpentier, 1766.
Pazata, Pesata, Pensitationis pecuniariæ aut annonariæ species ; non a Passare, transire ; sed a voce Pax deducenda ; eadem proinde atque supra Commune 1. Vide ibi. Charta ann. 1319. in Reg. 61. Chartoph. reg. ch. 166 :
Item pro medietate Pazatæ in pecunia sex libras, quindecim solidos, septem denarios Turon. Item in Pazata in frumento extimantur valere annui redditus triginta sex sextaria... Item in Pesata in avena tantumdem, etc.
Ch. 167 :
Homines existentes infra dictos terminos... debent pro Passata pro se et animalibus et aratris suis in universum, tam in blado quam in pecunia annuatim, quatuor libras, duos solidos, undecim denarios Turon.
Vocis sensum simul et originem declarant Chartæ sequentes : prima ann. 1322. in eod. Reg. ch. 440 :
Cum per dominum nostrum regem et dominum Albiensem episcopum quolibet anno certa bladi et pecuniæ quantitas, per modum pacis, ab hominibus de Scura levaretur ; fuit de consilio dictorum consulum et universitatis prædictæ quod supplicaretur dicto summo pontifici, quod mandaret domino nostro et regi et episcopo Albiensi, quod supersederet a perceptione dictæ Passatæ.
Altera ann. 1329. in Reg. 66. ch. 353 :
Taliter duximus ordinandum, videlicet quod dicta Passata seu commune pacis balliviæ de Cassaneis, terminis solutionum solitis ab antiquo apud Cassaneas, et non alibi, persolvatur.
Pazata semel et iterum ibi occurrit, ut et in Charta ann. 1319. ex Reg. 59. ch. 315 :
Item pro medietate Pazatæ in pecunia, vj. lib. xv. sol. vij. den. Item pro Pazata in frumento extimantur valere annui redditus xxxvj. sextaria..... Item pro Pazata in avena tantumdem.
Vide infra in Pax et Pazagium 2.
© École des chartes.