PASTOPHORI, Sacerdotes, qui thalamos vel ædiculas, Pastophoria dictas, in quibus deorum simulacra posita erant, portabant in pompis publicis, Græcis etiam παστοφόροι, de quibus Apuleius lib. 11. Metamorph. :

Proxima nocte vidi quemdam de sacratis, linteis intectum, qui thyrsos et hederas, et tacenda quædam gerens, ad ipsos meos Lares collocaret : et occupato sedili meo, religionis amplæ denuntiaret epulas... de Pastophoris unum conspexi statim, præter indicium pedis, cætero etiam statu atque habitu examussim nocturnæ imagini congruentem.

Vide Cuper. in Harpocr. pag. 129. et Epist. Steph. le Moyne ibidem pag. 257.