« »
 
[]« Pastophorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 203b. http://ducange.enc.sorbonne.fr/PASTOPHORIUM
PASTOPHORIUM, Atrium templi, aut sacrarium, in Gloss. Isid. Papias : Pastophoria Græce, Latine thalami dicuntur. Idem :
Pastophoria, atria templi, gazophylacia, cellæ parvæ.
In Excerptis additur, alviale templi, vel safurium. Ubi Grævius leg. monet sabarium. Vide Pastorium. Glossæ MSS. : Pastophoria, vestibula in circuitu domus. Pastophorium, chambrete, in Gloss. Lat. Gall. Sangerm. Eucher. Lugdun. :
In Ezechielis extrema parte in visione civitatis, in veteri translatione habetur Pastophoria, in nova gazophylacia, id est cellulas parvas.
Occurrit etiam 4. Machab. cap. 4. Radevicus lib. 4. de Gestis Frider. cap. 13 :
Vulpes, lepores, Pastoforia Ecclesiæ, et officinas Canonicorum ingressæ, etc.
Aliud significare videtur in Chronico Mosomensi pag. 633 :
Locus enim non tam naturali munitione firmus, quam humano labore et opere manuali factus, modo aggere terræ, modo Pastophorio, interdum ubi opportunum erat roboratus, non faciles præbebat accessus.
les Bénédictins de St. Maur, 1733–1736.
◊ Videtur esse munimenti genus ex cratibus confectum, quibus pastores includunt oves de nocte ut a luporum incursibus tutæ sint ; unde fortean Pastophorium nuncupatum.
© École des chartes.