1. PAZAGIUM, Tributum quod a transeuntibus exigitur : unde Paciarius et Paziarius, qui illud exigendi jus habet. Lit. Alfonsi comit. Pictav. an. 1269. in Reg. 11. Chartoph. reg. fol. 142. r°. :

Ex parte venerabilis patris episcopi Ruthenensis nobis extitit intimatum, quod ipse xvj. millia solidorum consuevit percipere in Pazagio Ruthenensi ; et quod emptores dicti Pazagii eidem tanquam Paziario et Paciario respondebant, etc.

Vide supra in Passagium. Nisi tamen idem sit quod sequens : cui acceptioni illud tantum repugnare mihi videtur, quod non ad episcopos, sed ad urbium præfectos pertinere soleat ejusmodi tributum exigere.