« »
 
PEDICA 1, PEDICA 2, PEDICA 3.
[]« 1 pedica » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 244c. http://ducange.enc.sorbonne.fr/PEDICA1
1. PEDICA, Gallis Piege. Gloss. Lat. Gall. Sangerm. : Pedica, piege, c'est las à prendre beste, ou chaine. Glossar. Lat. Gall. ann. 1352. ex Cod. reg. 4120 : Pedica, allouviere. Lex Burgund. tit. 72 :
Si quis Pedicam feris fecerit extra culturas, etc.
Lex Anglior. tit. 18 :
Si homo laqueum, vel Pedicam, vel quodlibet machinamentum ad capiendas feras posuerit, etc.
Lex Ripuar. tit. 70. § 2 :
Si quis autem fossam vel puteum fecerit, seu Pedicam vel balistam incaute posuerit, etc.
Excerpta ex Lege Longobard. n. 5 :
Ut nemo Pedicas in foresto dominico, nec in quolibet regali loco tendere præsumat.
Pedicla, παγὶς ἐπὶ ζώου, in Gloss. Gr. Lat. edito et MS. pro pedica. Castigat. in utrumque Glossar. Pedicla, βρόχος. leg. Pedical. Gotefr. Jungermanus ad Longi Pœmenica pag. 225. est autem
Pedica, Vinculum seu ligamen, quo [] animalia pedibus constringuntur in agris dum pascunt. Gloss. Lat. Gr. : Pedical, παγίς, σϰεδοπόδη, forte σϰελοπόδη, id est vinculum cruris, pedica cruris vel pedis. Lex Salica tit. 29. § 4 :
Si quis Pedicam de caballis furaverit, etc.
Lex Burgund. tit. 4. § 6 :
Si autem impedicato caballo ingenuus Pedicam tulerit, etc.
Lex Wisigoth. lib. 8. tit. 4. § 1 :
Si quis caballum alienum, vel aliud animal de Pedica sive de ligamine tulerit sine conscientia domini sui, etc.
Vide Pastorium.
Pedicarii, Qui pedicis feras aut aves capiunt, venatores, in Gestis Consulum Andegav. cap. 1.
Pedicarii, Qui pedicas conficiunt. Vide Cinerarius.
Pedica, ποδάγρα, in Gloss. Gr. Lat.
© École des chartes.
[]« 2 pedica » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 245a. http://ducange.enc.sorbonne.fr/PEDICA2
2. PEDICA, Modus agri, idem forte quod peda dicitur, vel quod nos dicimus Piece de terre. Anastasius in Hadriano PP. pag. 119 :
Nec non et toto Ecclesiastico patrimonio, omnibus prædicans, et dividens ex sumptibus, etc.
Ubi codd. alii :
Et tota Ecclesiastica patrimonia omnibus per Pedicas dividens.
Sic Pedicans pro prædicans in priori codice legendum esset, ita ut pedicare, sit per pedes metiri. Charta Alexandri VI. PP. ann. 1255. apud Ughellum tom. 1. part. 1. pag. 68 :
Terram quæ vocatur Duo foca, et unam Pedicam terræ et dimidiam de Anserano, unum filum salinæ in Pedica S. Aureæ, et tres filos salinæ in Pedica ultra Tiberim, etc.
Occurrit etiam ibid. pag. 140. in Bulla Joannis XIX. PP. et in alia pag. 143. Chronic. Farfense apud Murator. tom. 2. part. 2. col. 524 :
Item Guinisius Negotians et Saxa jugalis ejus dederunt filum salinæ in Pedica veteri.
© École des chartes.
[]« 3 pedica » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 245a. http://ducange.enc.sorbonne.fr/PEDICA3
3. PEDICA, Digitus pedis. Acta S. Christinæ tom. 4. Junii pag. 298 :
De quo quatuor rivi sanguinis, non ad Pedicas, sed per transversum pedis fluxerunt, in latitudine non modica.
Histor. Novient. Monast. apud Marten. tom. 3. Anecd. col. 1141 :
Cumque inibi per totum fere annum podagricus et chiragricus jacuisset, mures immitissimi extranei coloris ac formæ Pedicas pedum ipsius, ac digitos manuum corrodere cœperunt.
Acta S. Lidwinæ tom. 2. April. pag. 278 :
Adeo aggravatus fuit hujusmodi vigiliis, quod contractionem majoris Pedicæ dexteri pedis sui ex frigore reportavit.
Vide Pedicus.
© École des chartes.