PEDIFICARE, Calcare, pedibus proterere, per pedes metiri. Moretus in Antiquit. Navar. lib. 2. pag. 271. ex Tabular. S. Johannis Pinnat. :

Ipse Rex venit cum multitudine virorum et posuerunt terminum. Ipse Rex in equo suo Pedificando antecedebat, et alii viri post eum agmina multitudo confirmaverunt... Circuierunt eum : sicut viderant Regem transeuntem, transierunt et ipsi per illam lineam de rigo.

Pag. 273 :

Et postea venit Rege Sancio Garseanis... cum suos Varones et Abbates, et circuierunt illum pedibus suis, et confirmaverunt illud.

Ibid. pag. 381. ex eodem Tabul. :

Hæc est carta de illo termino de Labasal monasterio, quomodo partivit illa Rex Fortunio Garseanis alia vice in era

dccccxxxi. xiiii.

annos postquam Carolus Rex venit in Hispaniam. Quia sicut ab antiquitate requirebant suos terminos Labasales usque ad Aragon, antequam Sobales et Sarraceni disperserunt illo monasterio cum suos mesquinos, quando nondum erant illas villas populatas, venit ille Comite Galindo Aznar, et invitavit Regem Fortunium Garcianes, ut partirent illos terminos illis, et venerunt ad Labasal, et steterunt in die Sabatho et Dominico... Et die Lunis manescente, Rege equitante suo equo Roselio cum totos suos Varones et Comite cum suos, etc

. Addit Moretus :

Prosigue en como corrieron en torno los terminos, y sennalaron los majones, que va expressando ;

id est, Tum enarrat quomodo terminos circuierunt, et dictos limites annotaverunt. Hinc discere est quid in agrorum limitibus figendis statuendisque olim apud Hispanos observatum fuerit. Vide Pediare et Percalcare.