PERGUS, Glossarium mediae et infimae latinitatis, Du Cange et al.

« Pergus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 274a. http://ducange.enc.sorbonne.fr/PERGUS

PERGUS. Charta Henrici Imp. ann. 932. apud Miræum in Codice Donat.

Belgic. lib. 2. cap. 30 :

Et in his locis, et in omnibus quæ possidet, concedimus et confirmamus ei bannum et justitiam, impetum et burinam, ictum et sanguinem, reperturam Pergum regium, fora, telonea, Vicecomitatum, wagaria, rectum et non rectum, vectigalia, et quidquid pertinet ad judicatum, integritatem reipublicæ et incolumitatem, etc.

Eadem Charta edita a Barthol. Fizenio in Hist. Leod. pag. 233. pirgum præfert. Vide an non significet carcerem seu jus carceris regii, ex Græc. πύργος. Vide Turris.

les Bénédictins de St. Maur, 1733–1736.

◊ Vim vocis non intellexit doctissimus Cangius. Pergus, vel Pirgus, hic idem omnino sonat quod infra Pirgius vel Pirius, Itinerarius agger, via strata, publica, regia. Vide Pirgius et Pirgus 1. Unde pro reperturam legendum loco laudato rupturam facile conjicies.

P. Carpentier, 1766.

◊ Quæ interpretatio apte confirmatur Charta Gualt. episc. Laudun. ann. 1172. ex Chartul. S. Vinc. ch. 65 :

Illas etiam forisfacturas (vendicabat), quæ ibi in Pergis et antiquis viis solent evenire.... Eandem etiam ecclesiam et curtem, maxime de Mechumia a forisfactis Pergorum et antiquarum viarum prorsus absolvit in posterum.

Pierge, eodem sensu, in Charta ann. 1270. ex eod. Chartul. :

Denqui au buisson, et dou buisson outre le Pierge selonc les terres S. Vincent, duques à la bonde Willaume, c'on dit le Flamenc, et denqui à la bonde Arnoul le Clap.