PETALICUS, Glossarium mediae et infimae latinitatis, Du Cange et al.

« Petalicus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 295a. http://ducange.enc.sorbonne.fr/PETALICUS

PETALICUS. Cummeanus Hibernus de Controversia Paschali :

Ob diversitatem successorum Apostolorum,... id est S. Petri Clavicularii, et sancti Joannis Petalici, alterius in circumcisionem, alterius in præputium prædicantis.

Ubi Petalicus, vel Pectalicus, est Ἐπιστήθιος, quo epitheto donatur S. Johannes Evangelista a Græcis.

les Bénédictins de St. Maur, 1733–1736.

◊ Hujusce vocis interpretationem, quam sub oculis habebat, curiosius conquirendo, erravit doctissimus Cangius ; cum enim petalum laminam auream interpretatus esset, Petalicum S. Joannem a Petalo dictum facile subodorari poterat. Et quidem ejusmodi ornamentum

ferre consueverat S. Evangelista, ut testatur Polycrates Ephes. Episcop. in Epist. ad Victorem PP. :

Ὃς (Ἰωάννης) ἐγενήθη ἱερεὺς τὸ πέταλον πεφορεϰώς.

Rufinus :

Qui (Joannes) fuit summus sacerdos et pontificale Petalon gessit.

S. Hieronymus :

Et pontifex ejus, auream laminam in fronte portans.

Eodem ornamento usum esse S. Jacobum fratrem Domini, auctor est S. Epiphanius hær. 78. num. 14 :

Καὶ πέταλον ἐπὶ τῆς ϰεφαλῆς ἐφόρεσε.

Idem cæteris Christi Pontificibus, qui in locis, ubi frequentes erant Judæi, degebant, commune fuisse vix dubito ; id quippe a Judæis sacerdotibus mutuaverant.