PETAMINARII, dicti videntur a voce Græca πετάμενοι, qui in aere volant, seu qui more avium sese ejaculantur in auras, ut ait Claudianus : vel qui agilitate corporis quasi volare videntur, ἀπὸ τοῦ πέτεσθαι, apud Julium Firmicum lib. 8. Mathes. cap. 15. Salvianus lib. 6. de Gubern. Dei :

Longum est nunc dicere de omnibus, amphitheatris scilicet, odeis, lusoriis, pompis, athletis, Petaminariis, pantomimis, cæterisque portentis.

At Salmasius ad Plinium emendat, Pyctis, mimariis.