« »
 
[]« Phalæ » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 301b. http://ducange.enc.sorbonne.fr/PHALAE
PHALÆ, Turres rotundæ in ovi speciem Vitruvio ; sic dictæ a Circorum Phalis, quæ dividebant Euripum et Metas, constructis ad tempus turribus, ut ait Servius ad 9. Virgil. Phalarum Circi meminit etiam Juvenalis, quas δημιουργήματα ὠοειδῆ vocat Dio. Ita porro appellabant turres ligneas ad oppugnanda oppida. Papias : Phalas dicunt ligneas turres. Ita et Ugutio. Gloss. Lat. Gall. Sangerm. : Fala, Tour de bois, Beffroi. Eod. sensu utitur Plautus. Liber MS. redituum Eccl. N. sæc. 14. apud Schilter. in Gloss. Teut. : Notandum est etiam quod in dicta villa B. est quædam Phala sive castellum ligneum, et fundi circumpositi redacti de pratis in agros frugiferos.
Phalarum compitus
, in Charta ann. 1532. ex Tabul. Redon. vulgo les Porches de la grande pompe. Guibertus in Histor. Hieros. lib. 7. cap. 6 :
Duo jubentur institui lignea castra, quæ nos sumus soliti vocare Phalas.
Adde lib. 3. cap. 4. lib. 6. cap. 18. Abbonem de bellis Parisiac. pag. 502. 505. 509. 513. 517. Historiam Hierosol. pag. 1154. Ordericum Vitalem pag. 624. Vitam S. Fidis cap. 16. etc.
Falæ, Tædæ, quæ in funeribus deferri solent, nostris Falots. Charta ann. 1240. in Tabular. Episcopat. Ambian. fol. 42 :
Decanus percipiet luminare ; sed [] de Falis prædictorum extra claustra manentium, si intra muros civitatis decesserint, habebit dictus Episcopus luminare.
Eadem notione Failles usurpant Poetæ nostrates. MS. :
Ont tous couvers les aleours,
Et des murs toutes les entrailles.
Portent brandons et mettent Failles.
MS. :
Failles emportent et brandons,
Tot en resplent la regions.
© École des chartes.