PHALANGAICUM, Tributum, quod pro facultate figendi phalangas seu fustes aut palos ad ripam, ad quas religentur naves, exigebatur, idem quod supra Palificatura et Palliaria. Charta Henr. IV. imper. ann. 1195. in Access. ad Hist. Cassin. part. 1. pag. 280. col. 2 :

Ut non exigatur ab his, qui missi fuerint pro vestimentis et calceamentis monachorum, et aliis rebus necessariis monasterio, passagium, plateaticum, Phalangaicum et anchoraticum de mercibus, quas emerint vel vendiderint ad opus monasterii.

Neque alio sensu accipienda est vox Phalangeticum. Vide supra Falangagnum.