PLACITAMENTUM Præbendarum, Præstationis species videtur, quæ ab iis, qui præbendam obtinebant, episcopo pensitabatur. Charta ann. 1063. inter Instr. tom. 8. Gall. Christ. col. 495 :

Juravit itaque idem Hadericus eisdem canonicis,... quod omnes donationes et authorationes præbendarum et ministeriorum, et beneficiorum.... fideliter attenderet ac inviolabiliter custodiret, et firmationes præceptorum,.... et maxime illius præcepti, quod Odolricus episcopus fecerat et firmaverat de consuetudinibus claustri canonicorum, et de Placitamentis præbendarum, et de libertate domorum, sicut in illo præcepto est statutum et confirmatum.

Vide alia notione in Placitum.