« »
 
[]« Pluviale » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 378a. http://ducange.enc.sorbonne.fr/PLUVIALE
PLUVIALE, Pluvialis, Vestis, quæ totum hominem operit, et a pluvia defendit. Pluviales lacernæ, apud vet. interpr. Juvenalis :
Pallium pluviale
, apud Joannem Monachum in Vita S. Odonis Abbatis Cluniac. lib. 2. de S. Martino Episc. :
Stolaque candidissima indutus, super quam pallio Pluviali utebatur. Vestis Pluvialis, quæ cappa vocitatur,
apud Wibertum in Vita Leonis IX. PP. cap. 8. Bulla Nicolai III. PP. apud Bzovium ann. 1280. num. 5 :
Ad incensandum altare, cum ex more hoc fuerit faciendum, non in cappa linea, sed serica, quæ Pluviale dicitur, Sacerdos accedat.
Testam. Cardinalis Talairandi ann. 1360. apud Martenium tom. 1. Anecdot. col. 1472 :
Duo Pluvialia de opere Anglicano.
Pluvialis, Vestis Episcopalis, quam sic describit Durandus lib. 3. Ration. cap. 1. num. 13 :
Pluviale vel cappa, habet caputium, prolixa est usque ad pedes, in interiori parte fimbriis adornata, quam non nisi in majoribus festivitatibus induunt.
Ceremoniale Cencii Camerarii de summi Pontificis inauguratione :
Prior Diaconorum ipsum de Pluviali rubeo ammantat, et eidem electo nomen imponit.
Hugo Lugdunensis Archiep. de Electione Victoris II. PP. apud Hugonem Flaviniac. pag. 234 :
Abbas pro mercede nefandissimæ consecrationis, fultus auctoritate Ducis, Pluvialem sibi ipse imposuit.
Arnulfus Lexoviensis in Epist. de Electione Alexandri PP. :
Impositumque sibi manibus fere omnium Pluviale repellit.
Alia Epist. de eodem :
Præparatoque furtim, sicut dicitur, Pluviali, de manibus offerentis arrepto, in humeros suos tanta festinatione conjecit, ut hærentibus collo fimbriis pavimentum lamberet pars superior indumenti.
Concilium Budense ann. 1279. cap. 19 :
Præterea statuimus, quod Archiepiscopi, Episcopi,.... mitrati cum superpelliciis, stolis, et cappis, seu Pluvialibus, Synodo adsint.
Domnizo lib. 1. de Vita Mathild. cap. 2 : []
Pallia, planeta, Pluvialia, etc.
Vide Leonem Ost. lib. 2. cap. 79. 99. 103. etc.
© École des chartes.