« »
 
[]« 3 pœna » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 382c. http://ducange.enc.sorbonne.fr/POENA3
3. PŒNA, Tributum, onus agris vel personis impositum. Charta Phil. I. ann. 1061. in Reg. 62. Chartoph. reg. ch. 283 :
Apud Tinevalle habet alodum ab omni Pœna relaxatum.
Alia Galteri Laudun. episc. ann. 1164. ex Chartul. S. Vinc. Laudun. ch. 69 :
Ecclesia igitur super prædicta terra contra omnes, qui jus exequi voluerint, Arnulfo garandiam portabit ; nisi aliquis rusticorum in aliqua terra Pœnam suam monstrare valuerit. Painnée,
eadem, ut videtur, acceptione, [] in Lit. ann. 1390. ex Reg. 138. ch. 195 :
Le pénultieme jour du mois de March, Jacques Mariée enchérit ledit fief d'un gros de Flandres, pour le denier Dieu ; quatrevins francs d'or du roy, pour le gros du marquiet, lxij. sols de carité, lxij. sols pour la premiere Painnée et pour cascune des autres selon l'ordenance ; et quant aux deux cens, un gros pour le denier Dieu, dix frans d'or du roy, pour le gros du marquiet, wit gros du carité, wit gros pour la premiere Painnée, et pour cascune des autres, que on y referoit, cinq gros.
Hinc
P. Carpentier, 1766.
Terra Pœnæ, de Pœna vel Pœnosa, Tributis, angariis et aliis exactionibus obnoxia. Charta ann. 1166. ex Tabul. S. Crucis Camerac. :
Sigerus major de Busseriis, concedente uxore sua Geberga, terragium trium modiatarum, quod in feodo a præposito S. Crucis Cameracensis tenebat, et pœnam quatuor modiatarum... domui hospitalis de Jherusalem, per manus magistri Letaldi, reddidit.... Quoniam terra feodi sive Pœnæ ab ecclesia S. Crucis detinebatur, quia domus hospitalis hanc gratiam promeruit ut terra nominata, feodi scilicet atque Pœnæ sibi ab ecclesia concederetur, majoriam retinendam ecclesiæ reddidit et perpetuo possidendam concessit.
Alia ann. 1247. ex Chartul. Valcel. sign. E. ch. 42 :
Dimidiam alteram modiatam terræ Pœnosæ, contiguam viæ de Bauduinvalle, inter Fai et Tavielmes sitæ, quam similiter de me tenebat tamquam terram de Pœna.
Vide Pœnales terræ et mox Pœnaliter.
les Bénédictins de St. Maur, 1733–1736.
Ad Pœnam Tenere, id est, sub onere, vel præstatione aliqua. Charta Wilfridi Abbat. S. Richarii ann. 1165. in Tabul. ejusdem loci :
Guido de Calmont .... quidquid ad feodum Girardi hereditario jure spectat, nempe curtillum... ad Pœnam tenebit a festivitate S. Remigii, quæ est anno Incarnati Verbi 1166. ad duos annos in pace tenebit : ecclesia vero S. Richarii omnia præscripta a festo S. Andreæ, quod est in priori prædictorum annorum usque ad ejus festum sequens, abque ullo obstaculo de quindecim libris denariorum redimens, tamdiu in pace tenebit donec prædictos nummos a Girardo accipiat.
Vide Pœnales terræ.
© École des chartes.