POPULATUS 1, Glossarium mediae et infimae latinitatis, Du Cange et al.

« 1 populatus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 412a. http://ducange.enc.sorbonne.fr/POPULATUS1

1. POPULATUS, Terra culta, ager cultus, cui opponitur eremus. Charta Sanctii Navarrorum Regis apud Oyhenartum in Notitia Vasconiæ pag. 99 :

Cum omnibus terminis et pertinentiis suis, cum pratis, pascuis, et sotis, et aquis, aquarumque meatibus, cum eremo et Populatu, cum ingressibus et egressibus.

Charta ann. 1112. inter Probat. tom. 2. novæ Hist. Occitan. col. 382 :

Et de totum alium tuum honorem quam hodie habes, ermum vel Populatum.

Alia ann. 1142. ibid. col. 495 :

Cum pratis,... et villis suis,... heremis et Populatis, etc.

Charta Ildefonsi Reg. Aragon. ann. 1174. apud Stephanot. tom. 10. Fragm. Hist. MSS. pag. 165 :

Prædictum hospitale vobis dono et concedo cum omnibus suis tenedonibus et pertinentiis ubique cum eremo et Populato.

Adde Chartam Jacobi Reg. Aragon. ann. 1228. tom. 9. Spicil. Acher. pag. 177. Vide Populare.