1. POSSIBILITAS. Leges Alvredi Regis West-Sax. cap. 38 :

Si autem oculus assnaset, reddat weram ejus et Possibilitatis accusetur in eo facto, et purget se juxta modum witæ, etc.

Ubi possibilitatis accusari, est de crimine aut facto quod data opera et voluntarie perpetratum est. Leges Canuti cap. 66 :

Et si quisquam agat impossibiliter, non est omnino simile si voluntarie faciat.

Ita possibile et impossibile usurpantur in Lex. Sax. Edwardi senioris cap. 8. pro eo quo voluntarie vel involuntarie fit.

2. POSSIBILITAS, Reditus, ni fallor, prædiorum commoda. vel potius Qualitas, conditio. Charta ann. 1251. ex Schedis Præsidis de Mazaugues :

Promittimus... quod... de dicta terra et castro de Baucio cavalcatam faciemus vobis et hæredibus vestris secundum quod nobilitas nostra et Possibilitas terræ nostræ et constitutiones Provinciæ requirunt, ut tamen pro redimendis cavalcatis ad solutionem pecuniæ non teneamur.

Vide Haltaus. Glossar. German. voce Mœglich, col. 1362. et mox Possibiliter.

3. POSSIBILITAS, Possessio, fundus. Placit. ann. 983. apud Murator. tom. 1. Antiq. Ital. med. ævi col. 380 :

Quia omnem Possibilitatem sui monasterii alienavit, et nostrum, quod caput est, monasterium in eadem dissipatione cupit videre... Ad hæc Leoni abbas dicens : Nolit Dominus, ut ego illorum locis vel aliquam Possibilitatem monasterii S. Benedicti abstulissem. V.

Possessio.

4. POSSIBILITAS, Potestas. Sacram. reg. tom. 7. Collect. Histor. Franc. pag. 633 :

Quantum mihi Deus intellectum et Possibilitatem donaverit.

Gerhardi vita S. Oudalrici cap. 27 :

Hæc ministeria.... ex Possibilitate corporis mei non assumpsi, sed ex præcepto.

Et mox :

Per impossibilitatem corporis primam adhuc non explevit.

Idem cap. 25 :

De obitu episcopi veraciter contradixit, et ejus Possibilitatem secundum suam consuetudinem esse nuntiavit, i.

e. corporis vires. Passim occurrunt

Secundum Possibilitatem meam, pro Possibilitate mea, etc

. Vide Posse 1. Hinc