PRAISIÆ, ut infra Prisæ, quidquid ex subditis et tenentibus capitur ad expensas Regis et Domini, quod legitime et debite persolvi debet. Vide in hac voce. Charta ann. 1240. tom. 1. Histor. Dalphin. pag. 188 :

Cum nobilis Albertus dom. de Turre... prioratum de Monestreüil et homines prioratus quibusdam exactionibus super Praisiis et aliis pravis consuetudinibus gravaret,... exactiones super Praisias et alias pravas consuetudines... remiserunt.

Computus ann. 1347. ibid. pag. 84. col. 2 :

Computavit... de Praisiis certarum vinearum a diversis personis per D. nostrum emptarum ad opus monasterii prædicti, et de certorum nemorum et pratorum Praisiis emptorum,... nec non de Praisiis dictum fr. Chabertum quondam receptis supra portu Jairiæ et quartonibus Bellimontis... Primo de tailliis Corvi, Muræ et Bellimontis pro duabus Praisiis annorum 1343. et 1344. non computat. Item de quartonibus Bellimontis de duabus Praisiis finitis in festo Assumptionis.