« »
 
[]« 2 precaria » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 482b. http://ducange.enc.sorbonne.fr/PRECARIA2
2. PRECARIA, Questa, seu roga, tributum, quod exigitur quasi deprecando, ut habet Lex Longobard. lib. 3. tit. 12. § 1. Carol. M. 121. :
Audivimus etiam quod juniores Comitum vel aliqui ministri Reipublicæ, aliquas redhibitiones vel collectiones, quidam per pastum, quidam sine pasto, quasi deprecando a populo exigere solent.
Charta Conradi I. Imp. ann. 1026. in Hist. Pergamensi tom. 3. pag. 418 :
Quatenus ad partem publicam nulla conditione responderent, nec ad partem Comitatus placitum custodirent, neque teloneum, neque Precariam darent, neque ullam facerent angariam ad partem publicam.
Charta Conradi II. Imp. ann. 1145 :
Exactiones, tallias, quas quidam Precarias, vel petitiones nominant, vel accubitus vastatorios.
Alia Friderici II. ann. 1237. apud Lambecium lib. 2. Comment. de Biblioth. Cæsar. pag. 80 :
Vel sua præsumat autoritate taliam seu Precariam in prædictos cives facere, etc.
Albertus Stadensis et Historia Archiepisc. Bremensium ann. 1142 :
Concessit etiam omnes Colonos Ecclesiæ ab omni censu, expeditione, villæ vel urbis munimine, et pensione Precaria liberos et immunes.
Vitalis Episcopus Oscensis :
Præter precarias villarum Domini Regis, quæ ipsis Ricis hominibus similiter sunt pro suis stipendiis assignatæ. Quæ Precaria in quibusdam locis in grano, et in quibusdam in denariis... exiguntur.
Tabular. Audomar. :
Nullus debet facere assisiam vel Precariam in terra privatam vel generalem, nisi Comes.
les Bénédictins de St. Maur, 1733–1736.
◊ Primariæ hujusce tributi institutioni accommoda fortean fuit vox Precaria, quod quasi deprecando exigeretur et sponte a subditis persolveretur : at sequiori tempore ita violenter exactum, ut inter injustas et violentas exactiones censeretur, innuit Charta Henrici Comit. Palatini ann. 1093. apud Miræum tom. 1. pag. 270. col. 1 :
Præter ea nec aliquando in bonis Ecclesiæ hospitando, ecclesiam vel familiam ejus gravet, nec injusta servitia ab ea, neque violentas exactiones, quas Precarias vocant, aliquando exigat.
Vide Preces. Haltaus. Glossar. German. vocib. Bete, Jahr-bete, Land-bete, Not-bete, Grafen-schatz, col. 156. 1003. 1158. 1423. 750. Grimm. Antiq. Jur. German. pag. 297. num. 10.
les Bénédictins de St. Maur, 1733–1736.
◊ Eodem Precariæ nomine nuncupatum tributum, quod ex more Episcopis in eorum jucundo adventu exsolvebatur. Chron. Cornel. Zantfliet ad annum 1456. apud Marten. tom. 5. Ampliss. Collect. col. 491 :
Levaret dictus Ghisbertus semel solvenda quinquaginta [] millia aureorum, qui dicuntur Leones. Qui quidem solverentur eidem de Precaria danda domino David (Episcopo) Ultrajectensi in jocundo adventu suo, ut moris est.
Vide Adventus 3.
Precaria, Servitium sonat, quod præstare tenebantur tenentes in metendis messibus, falcandis fœnis, et aliis servitiis, quando ad id rogati erant. Liber Consuetudinarius Monasterii de Bello in Anglia fol. 60 :
Et debet invenire unum hominem cum uno equo ad herciandum qualibet septimana,... et etiam debet venire quolibet anno ad duas Precarias carucæ cum caruca sua, si habeat integram carucam, vel de parte, quam habet carucæ, si carucam non habeat integram, et tunc arare debet utroque die, quantum potest a mane ad meridiem, et uterque tentor (vid. carucæ) et fugatorum habebunt unum pastum solemnem utraque die prædictarum Precariarum,... et debet inquirere ad tres Precarias in autumno quolibet die duos homines : et habebit uterque dictorum hominum ad utrumque diem Precariarum, primus unum panem utroque die de frumento et ordeo mixto, qui ponderabit 18. libr. ceræ, pretium cujuslibet panis 1. d. ob. et ad tertiam Precariam habebit uterque homo unum panem dicti ponderis totum de frumento pretio 1. d. ob. et habebunt prædicti duo homines conjunctim ad quamlibet de prædictis 3. Precariis potagium et ferculum de carne sine potu pretii 1. den.
Placitum sub Henrico III. Reg. Angl. :
Debent venire in autumno ad Precariam, quæ vocatur à la Bederepe, ut prior asserit.
Charta ann. 1325. apud Kennett. Antiquit. Ambrosden. pag. 401 :
Virgata terræ ejusdem conditionis faciet tres Precarias in autumpno, videlicet Precariam sine prandio cum tribus hominibus, et unam Precariam sine prandio cum uno homine... Debet etiam unam Precariam pro voluntate dominæ cum tota familia sua præter uxorem suam ad prandium dominæ.
Chartul. SS. Trinit. Cadom. fol. 61 :
Debent 1. acram araturæ et herciaturæ et Precarias... Debet 111. sol. Abbatissæ et Precariam araturæ et erciaturæ.
Vide Preces.
Magna Precaria. Idem liber Consuetud. fol. 97 :
Item Joannes Boylonde tenet 1. cotagium... et debet invenire unum hominem ad magnam Precariam in autumno.
Occurrit ibi pluries. Charta alia :
Rogerus de Wellesburne tenet medietatem unius hidæ terræ in Tachebrok, et veniet ad magnam Precariam in autumno, cum omnibus messoribus suis ad puturam domini bis in die.
Vide Somnerum in Tractatu de Gavelkind pag. 20. In Rotulo Computor. manerii de Harwe, in Anglia ann. 21. Ric. II. inter opera autumnalia, ea habentur :
Et de 199. operibus magnæ Precariæ provenientibus de omnibus tenentibus domini, tam liberis, quam nativis, infra dominium domini residentibus, quorum quilibet domum habens, de quo fumus exit, inveniet unum hominem ad magnam Precariam, si ad hoc summonitus fuerit.
P. Carpentier, 1766.
Precaria Feodalis, Servitium feodale, illud scilicet, quod homines feodi præstare tenentur. Reg. S. Justi ex Cam. Comput. Paris. fol. 208. r°. :
Precariæ feodales et precariæ carrucarum... Item omnes homines feodi debent fenagium, etc.
Hinc
P. Carpentier, 1766.
Precatorius, Qui ejusmodi precariis seu servitiis obnoxius est. Gloss. Cæs. Heisterbac. in Reg. Prum. tom. 1. Hist. Trevir. Joan. Nic. ab Hontheim [] pag. 693. col. 1 :
Jugera duo, jornales Precatorios duos.
Precare, Precariam, vel questam imponere, aut exigere. Charta ann. 1233. in Hist. Guinensi pag. 498 :
Cum recognovisset se, patremque suum, homines eorum feodatos manentes in terra Waziæ talliando sive Precando minus juste quam sæpius aggravasse, etc.
© École des chartes.