3. PRISO, Obses, fidejussor, qui si is, cujus præs erat, pactum non adimpleret, in potestatem illius, cui fidejussionem præstiterat, transibat, ac si illius priso seu captivus esset. Pactum inter Clement. III. PP. et Senat. Rom. apud Cenc. inter Cens. eccl. Rom. :

De capitaneis sit salvum urbi et populo Romano, quicquid ab eis conventum est et promissum Romæ per scriptum et juramenta, ac plejarias, et stajarias ac Prisones.

Vide infra Prisonia Viva. Vide Obstagium. Charta Godefr. Comit. Silvestr. ann. 1295. in Kremer. Histor. gentis Ardenn. Diplom. Saraep. num. 108. pag. 380 :

Quod si dicti religiosi... aliquatenus evincantur... nos, moniti ex parte religiosorum prædictorum apud S. Wandalinum in hospicium honestum, quilibet nostrum personaliter, vel saltem per famulum et equum intrabimus, sine moræ dispendio Prisionem ibidem in nostris expensis observaturi, etc.