PRIVATA, Latrina, secessus. Gall. Privé, vel privée, ut in Consuet. Meldensi art. 73. Catholicon Armoricum :

Cambroés, Gallic. Chambres privées, Lat. zeta, cloaca, latrina.

Jo. de Garlandia in Synonymis :

Est latrina locus idem cacabunda cloaca,

Signat idem quasi triste tegens tristega vocatur,

Nec non Privata conjungimus his sociando.

Cæsarius Heisterbacensis lib. 3. cap. 14 :

Monachus vero ob necessitatem naturæ, Privatam ascendens, dum in una sedium sederet, etc.

Occurrit iterum lib. 4. cap. 6. lib. 5. cap. 6. lib. 8. cap. 92. Camera privata, in Chronico Trudonensi lib. 10. pag. 470. Aurelius Victor in Epit. in Constantio :

Quasi ad ventris secreta secedens, etc.

Idem in Caracalla :

Secedens ad officia naturalia.

Vide Privada.

1. PRIVATUM, in leg. 12. Cod. Th. de Metatis, (7, 8.) balneum, Tribonianus et Græci interpretantur, ut observat Jacobus Gothofredus : quomodo πριϐάτον usurpat Prochorus in Vita S. Joannis Evangelistæ. Balneæ privatæ recensentur complures in Descript. urbis CP. Vide Privata.

2. PRIVATUM, apud Cartusienses, teste D. Le Beuf, dicitur officium defunctorum aut pars ejusdem, quod pro quibusdam benefactoribus privatim in cellulis recitetur.

3. PRIVATUM, Res privata principis. Vide supra Privatarius, Glossar. med. Græcit. col. 1226. voce Πριϐάτα et col. 1030. voce Οἰϰειαϰά. Privati judices vide in Judex pag. 915. col. 1.

4. PRIVATUM, ab Ital. Privato, Secessus, latrina, Gall. Privé, lieux d'aisances. Stat. Bonon. ann. 1250-67. tom. II. pag. 363 :

Et non habeat aliquis sedile seu Privatum prope aliquem puteum.

Fr.