PROASTIUM, Glossarium mediae et infimae latinitatis, Du Cange et al.

« Proastium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 512a. http://ducange.enc.sorbonne.fr/PROASTIUM

PROASTIUM, Prædium suburbanum, suburbium. Vett. Glossæ : Προάστειον, suburbanum. Papias : Proastium, Viridarium arborum prope murum. Infra : Progestium, suburbanum. Sic etiam habent Glossæ Lat. Græc. : Progestia, προάστια. Ubi leg. ex Vulcanio, Procestria, προάστεια. Vide Procastria. Ugutio :

Proastium, locus ante civitatem, scilicet suburbium.

Ursus S. R. E. Subdiaconus in Vita S. Basilii Cæsar. :

Invenit in Proastio cum Philosophis.

Ruffinus lib. 3. Vitæ Patrum num. 19 :

Prope Proastium, qui vocatur in Septimo.

Paulus Diac. de Gestis Longob. lib. 6. cap. 58 :

In Olonna suo Proastio, miro opere in honorem S. Anastasii Martyris, Christo domicilium statuit.

Hariulfus de Miracul. S. Richarii cap. 2 :

A qua (urbe Legia) haud longe villa consistit, nuncupata Merimont, in plaga orientali, quæ ab antiquis temporibus jure Proastii subjacet cœnobio Patris Richarii, etc.

id est, jure prædii. Occurrit non semel apud Julianum Antecessor. cap. 34. 36. 409. 513. Gesta Constantini M. :

In Proastio civitatis Veronensis.

Provideat in proximo civitatis Proastio, in vet. Prosa quæ nuper cantabatur in Ecclesia Autiss. die sancto Paschæ.

les Bénédictins de St. Maur, 1733–1736.

Præastium, Eadem notione, in Translat. S. Filiberti sæc. 4. Bened. part. 1. pag. 563 :

Magna ecclesiæ suæ in comitatu Vellaico prædia conquisivit, cum ecclesia S. Georgii in Vetulæ Præastio civitatis.

Vide Gloss. med. Græc. in Προάστειον.

Prastia, pro Proastium, in Charta Hugonis Reg. Cypri ann. 1210. in Pro-Histor. Bethuniensis pag. 360 :

In territorio Puphi, Prastiam, quæ dicitur Lacridon, cum omnibus pertinentiis, etc.

Agnellus in S. Theodoro apud Murator. tom. 2. pag. 153 :

Sortiti sunt opes ecclesiæ, et non fuit ex eis aliquis qui quandam (f. quartam) partem Ecclesiæ non haberet, etiam et subtractos actores et Prastias ab hujus Ecclesiæ familiaribus, etc.