PSALLENTIUM, et Psallentia, Cantus Ecclesiasticus, laudum divinarum, Psalmorum, et Hymnorum concentus alternativus. Anastasius in Hadriano :

Constituitque per unam quamque hebdomadam quinta feria cum Psallentio, ut a Diaconia pauperes usque ad balneum pergerent.

Ordo officii apud Meichelbec. Hist. Frising. tom. 2. pag. 22 :

Post Missam, peracta vespera, vadunt cum Psallentio in refectorio.

Frodoardus in Stephano II. PP. :

..... Nocturnis reparat Psallentia sacris.

In Adriano :

Diversis Monachumque choris Psallentia ponens

Restaurat.

Utuntur Gregorius Turon. lib. 1. Hist. cap. ult. lib. 2. cap. 21. 37. lib. 3. cap. 5. 18. lib. 4. cap. 6. lib. 5. cap. 21. lib. 6. cap. 26. lib. 7. cap. 1. lib. 9. cap. 39. lib. 1. de Mirac. cap. 6. 33. 37. 39. 51. 75. 76. 79. 89. lib. 2. cap. 2. 34. de Gloria Confess. cap. 20. 47. 72. de Vitis Patrum cap. 1. etc. Fredegarius in Chron. cap. 79. Capit. Car. M. lib. 5. cap. 220. 372. Vita S. Amati Abbat. cap. 20. apud Mabillonium, Baudouinia in Vita S. Radegundis cap. 19. 28. Rupertus lib. 10. de Divin. Offic. cap. 17. Paulus Diacon. Neapol. in Vita S. Mariæ Ægyptiacæ cap. 4. Vita Aldrici Episc. Cenoman. pag. 6. 20. 49. 106. etc.