PSEUDOTHYRUM, ψευδόθυρον, quod Sulpitio Severo Pseudoforum dicitur, posticum aliis, nostris Fausseporte. Aversa porta, Livio lib. 10. et Tacito lib. 3. Annal. Auctor Quæroli :

Eamus huc ad Pseudothyrum quam nosti bene.

Paulus Orosius lib. 7. cap. 6 :

Ægre per Pseudotyrum in Palatium refugiens furorem excitatæ plebis evaserit.

Freculfus tom. 2. lib. 1. cap. 13. eadem verba ab Orosio mutuatus, Seudotyrum habet, sed perperam, ut et lib. 4. cap. 3 :

In sinum ejus, dum in Deo Deos quærit, tanquam per Seudotyrum inducitur.

Ubi idem Orosius lib. 7. cap. 29. a quo etiam mutuatus est, per januam habet. Ammianus lib. 14 :

Per Palatii Pseudothyrum introducta.