« »
 
[]« 8 quarta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 597a. http://ducange.enc.sorbonne.fr/QUARTA08
8. QUARTA, nude, Idem quod mox Quarta funeralis, seu Quarta testamentorum, de qua in Testatio. Chartularium S. Johannis Angeriaci pag. 427 :
Petunt reverendus Pater et procuratores prædicti, quod antequam funus exeat de ecclesia S. Johannis, ad quam debet de laudabili consuetudine ipsius villæ primitus deportari et ibi recipere ultimum vale, sufficienter camerario caveatur de sua Quarta per amicos mortui.
les Bénédictins de St. Maur, 1733–1736.
Quarta Canonica, Funeralis, Oblationum. Concilium Limanum ann. 1591. inter Hispanica pag. 661. col. 2 :
Religiosi, qui sunt vel fuerint in doctrinis et beneficiis, servabunt constitutiones de solutione Quartæ funeralis, Quartæ canonicæ et Quartæ oblationum, propterea quod illas debeant, prout de jure debent Episcopis, et ut illas persolvant reliqui clerici, qui funguntur iisdem ministeriis.
Ubi Quarta canonica idem est quod in alio ejusdem provinciæ Concilio ann. 1582. ibidem pag. 255. dicitur Canonica portio :
Quarta funeralis ac Canonica portio et Quarta etiam oblationum Episcopo a jure concessa tam a Capitularibus, quam a cæteris clericis, solvatur eo ordine et modo, quem sacri Canones statuunt.
Est autem hæc Canonica portio, seu Quarta canonica, ni fallor, Quarta pars redituum, quos percipiebant clerici, ut Quarta funeralis, Quarta pars legatorum defuncti in pios usus, cujus dispositio erat penes Episcopos, ut dicitur in Testatio ; Quarta tandem oblationum, Quarta pars eorum omnium, quæ fideles sponte offerebant Ecclesiæ : quæ quartæ partes omnes Episcopis debentur ex his Conciliis.
les Bénédictins de St. Maur, 1733–1736.
Quarta Sigilli et Bullæ, Quarta pars emolumentorum ex sigillo et bulla provenientium. Testamentum Guillelmi D. Montispessulani ann. 1202. ex Schedis Peirescianis seu Præsidis de Mazaugues :
Sacrista vero habeat Quartam sigilli et bullæ, et residuæ tres partes dentur in ornamentis Ecclesiæ.
Parvum sigillum Monspeliense passim memoratur in Instrumentis Provincialibus.
© École des chartes.