« »
 
[]« 1 quota » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 618c. http://ducange.enc.sorbonne.fr/QUOTA1
1. QUOTA, Quod quisque Principi aut Domino in tributum vel censum præstare tenetur, vulgo Quotte : unde Quotiser, Censum imponere. Charta Ricardi II. Reg. Angl. in Monastico Angl. tom. 1. pag. 538 :
Et quod nullæ impositiones, contributiones, taxæ, Quotæ, tallagia, vel auxilia ipsis tanquam alienigenis aliquo modo imponantur, etc.
Charta ann. 1306. apud Lobinell. tom. 2. Hist. Britan. col. 461 :
Statuimus.... quod modus in præstatione illius Quote, que sequitur, sine exactione observetur, etc.
Adde col. 1551. Constitutiones Udalrici Episc. Patav. ann. 1470. art. 48. de Confessionalibus, apud Hansizium tom. 1. Germaniæ Sacræ pag. 567 :
Nec idem (Officialis) præcipiat certam Quotam a talibus dari ad fabricam Ecclesiæ nostræ Pataviensis.
Concil. Avenion. ann. 1509. apud Marten. tom. 4. Anecdot. col. 394 :
Licet alias fuerit disputatum et expositum crebro super dono caritativo (Archiepiscopo Avenion. a Clericis) solvendo, et pro eo tractando de Quotaque taxando et moderando.... inhibuit, ne ab hac civitate discedere habeant, donec de Quota et portione ac de tempore et de summa solvenda convenerint.
Bulla Bonifacii PP. ann. 1296. apud Gualterum Hemmingford. de Gestis Edwardi I. Regis Angl. pag. 105 :
Ecclesiis ecclesiasticisque personis regularibus et secularibus, imponunt onera gravia, ipsos talliant, et eis collectas inponunt, et ab ipsius suorumque proventuum vel dimidiam, decimam seu vicesimam, vel quamvis aliam porcionem, (aut) Quotam exigunt vel extorquent.
Vide Cota 3.
les Bénédictins de St. Maur, 1733–1736.
Quota Decima, Quam quisque solvere debet de rebus suis decimam, proportione servata : etiamnum viget in Episcopatu Vinciensi, ut narratur tom. 3. novæ Gall. Christ. col. 1223.
Quota Litis, apud practicos Anglos, auctore Skenæo, dicitur quod judex corruptus [] sordidus accipit a litigante sive actore, sive reo, contra jus Angliæ Edwardi 1. ann. 33. in Statuto de Conspiratoribus, et Jus Civile 1. 5. C. de Postul. 1. 15. cap. litem, de Procur. Vide Campipars. et Haltaus. Glossar. German. voce Furgeding, col. 552.
Quota, pro summa, quantitate, Gallis Quote. Gobelinus Persona in Cosmodromio ætate 6. cap. 81 :
Missus est collector Domini Papæ, qui certam Quotam recepit oblatorum.
Statuta Avenion. lib. 1. rubr. 40. art. 4 :
Item quia sæpe contingit dictos, decoctores, seu fallitos, transigere vel pacisci cum suis creditoribus, ut remissa eis aliqua parte debiti, sive media, sive majori, vel minori Quota, teneantur solvere residuum intra certas dilationes, etc.
Quotare, In Capita et versiculos distinguere : Galli Quoter, pro numeros paginis indere, vulgo dicunt. Henric. de Knyghton. ann. 1219 :
Stephanus Cantuariensis Archiepiscopus obiit, qui Biblia apud Parisium Quotavit, libros Regum exposuit, etc.
Godwinus de eodem Stephano :
Sacram Bibliam primus dicitur in capitula distinxisse, ordinem ab eo constitutum sequentibus omnibus, quæ usquam jam inde ab eo tempore fuerunt Ecclesiis.
les Bénédictins de St. Maur, 1733–1736.
Quotator Annalium, Scriptor annalium. Chronicon Johannis de Whethamstede pag. 467 :
Ita eciam quæcumque per nostros scripta sunt chronographos, sive annalium Quotatores, ideo scripta sive relata sunt, ut discamus malorum sæviciam fugere, etc.
les Bénédictins de St. Maur, 1733–1736.
Quotatus, Notatus, expressus :
Sub anno, die, mense, indictione et pontifice superius Quotatis,
in Charta ann. 1461. apud Lobinell. tom. 2. Hist. Britan. col. 1224.
© École des chartes.