1. RAMATA, Piscationis species, prorectis in aquam ramalibus, intra quæ pisces sese recipere solent. Charta Hugonis III. Episcopi Nivern. ex Tabul. S. Cyrici Nivern. num. 76 :

Dedit insuper unam in Ligeri Ramatam, et suis gurgitibus piscaturam.

Infra :

Itidem concessit eis Ramatam unam in loco convenienti inter suas, et in suis gurgitibus piscaturam ante festivitatem S. Cyrici, etc.

Tabularium Priorat. de Paredo, fol. 60 :

Dedit in hoc loco... terram, id est campum, situm in ripa Ligeris, dictum ad Graverias, et capturam piscium, quas vocant Ramatas, quas sequente tempore Dominus Gaufredus de Bonant in suo dominio retinuit, etc.

Fol. 71 :

In Alta ripa sex congeries ramorum, quas Ramatas dicunt, in aqua Ligeris.

Fol. 25 :

Ripam aquæ, ac congeries ramusculorum in aqua ad capiendos pisces.

Fol. 78 :

Dedit... tres meliores Ramatas, quas habebat in alodio suo in Ligerim, quæ vulgo dicitur Lea ad Altam ripam.

Vide Combri, Rameia, et Rameda.