4. RASTELLUM, Trabecula dentata in ædibus sacris, ubi cerei accenduntur, rastri formam habens. Obituar. eccl. Lingon. ex Cod. reg. 5191. foi. 104. r° :

Tenebuntur luminare ponere in Rastello.

Ibid. fol. 168. v° :

Ordinavere festum annale S. Trinitatis... celebrari æque solemniter in luminari, videlicet cum Ratello et parchia et in campanarum pulsatione, sicut festum S. Penthecostes.

Consuet. MSS. S. Crucis Burdegal. ante ann. 1305 :

Debent portari cadavera familiarium per quatuor familiares dicti monasterii coram altari B. M. V. extra januaria ejusdem altaris, et Rastellum ejusdem altaris debet compleri de candelis.

Ordinar. MS. S. Petri Aureæ-val. :

In magna missa a principio ipsius illuminantur omnes lampades et omnes cerei magni et parvi Rastelli et Crucifixi etiam..... Quando dicitur capitulum, illuminantur quatuor cerei de Rastello altaris.

Vide supra Hercia 2. Pertica 6. et infra Rastrum 3.