« »
 
RASUM 1, RASUM 2, RASUM 3, RASUM 4, RASUM 5, RASUM 6.
[]« 1 rasum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 022b. http://ducange.enc.sorbonne.fr/RASUM1
1. RASUM, Rasus, Idem quod Raseria, Mensura annonaria, in Regesto Censuum Carnoti fol. 25. et alibi. Charta Radulphi Episcopi Andegavensis ann. 1183. pro Abbatia Melinensi :
Unam minam nucum et sex denarios de eleemosyna Odonis... unum Rasum nucum de eleemosyna Fulconis de Chemans, etc.
Charta Balduini Abbatis de Vermand in Tabulario Abb. Montis S. Martini :
Duo Rasa avenæ, quæ ei pro terra mensuali debebantur.
Chartularium S. Vincentii Cenoman. fol. 120 :
Teneor eidem monasterio annuatim reddere unum Rasum frumenti, etc.
Inventarium Piquet num. 18. cap. 41. de Volta fol. 15. ex Archivo Principis de Rohan :
Item v. cartas et duo civaderia cum dimidio frumenti, duo Rasa, et tres partes unius Rasi. Tria Rasa minuta avenæ,
in Charta ann. 1184. e Tabulario S. Juliani Turon. Novem Rasa avenæ, in Indice MS. Beneficiorum Diœcesis Constant. fol. 32. Charta Parthenonis Genliaci ann. 1252 :
Si vero prata acquirent, quæ debent nobis avenam, reddent nobis annuatim unum sextarium sive Rasum avenæ.
Idem hic sunt Rasum et Sextarium ; in Bressia vero unum sunt Bichetus et Rasum, ut refert de Lauriere in Glossario Juris Gallici v. Raz. Vide Rasa et Res.
Rasus. Fleta lib. 2. cap. 12. § 12 :
Rasus alleorum continet 20. flones, et quælibet flonis 25. capita.
In nova Gall. Christ. tom. 4. col. 208. dicitur Reinaldus de Tureyo Decanus Lugdun. dedisse
super bonis a se acquisitis in parœcia S. Genes. Vallis
x. bichetos frumenti, vii.
Rasos avenæ, etc
. Rursum occurrit in Statutis Vercell. lib. 3. fol. 73. in Chartulario 2. S. Quintini in Insula, etc. Lugduni et Bellijoci Rasus tantum continet quantum Bichetus : de quo supra.
les Bénédictins de St. Maur, 1733–1736.
Ad Rasum, de mensura rasa et opposita cumulatæ passim legitur in Chartis. Antiquæ Recogn. Claromont. in Triviis Dalph. ex Regesto Probus :
Guillelma Taschiere.... debet in anno
1°
aver. frum. ad cumulum et alio anno ad Rasum
. Litteræ Officialis Rem. ann. 1238. e Tabulario Compendiensi :
Pro cc. sextariis bladi persolvendis, scilicet blado ad Rasum, et avena ad coniblum.
Statuta Vercell. lib. 1. fol. 23. v° :
Potestas Vercellarum... fieri faciat... unum quartaronum de ligno, ita magnum, quod teneat commode ad Rasum, quantum est et tenere consuevit quartaronus vetus cum culmatura.
Ibidem recurrit et alibi non semel.
© École des chartes.
[]« 2 rasum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 022b. http://ducange.enc.sorbonne.fr/RASUM2
2. RASUM, vel Rasus, Mensura pannorum et telarum. Statuta Saluciarum Collat. 4. cap. 117 :
Quælibet autem tesia telæ grossæ semper sit Rasorum duodecim.
Et cap. 121 :
Qui vendiderit pannum, telam, frustaneum, velutum, cendallum, seu aliquid simile, ad Rasum mancum, seu non justum.... solvat.... florenos xxiv.
Statuta Astensia collat. 7. cap. 5 :
Qui vendunt pannos, tellas vel fustaneos ad Rasum vel mensuram sive ad alnam.... dabunt rectam et justam mensuram ad illum Rasum et alnam, qui vel quæ fuerint constituti vel constituta pro communi.
Eadem, ut puto, notione Statuta Montis-Regalis fol. 183 :
Item statutum est, quod quælibet persona, quæ mensuraverit ad falsam seu mancham mensuram, seu scandalium, libram, teisam, Rasum, seu sestarium et cozolium, seu aliud pondus, seu mensuram, solvat pro pœna solidos xx.
Huc revocari possunt,[] ni fallor, quæ habentur in iisdem Statutis fol. 271 :
Item statutum est, quod Vicarius teneatur facere quod omnes furni, seu ædificia in quibus sunt, debeant cooperiri per illos fornarios, qui eos tenent de copis, tegulis, vel scandalis, vel labeis, et facere fumerium, qui vadat desuper totum per unum Rasum,
hoc est, si recte interpretor, tectum superet altitudine saltem mensuræ Rasum appellatæ.
P. Carpentier, 1766.
◊ Ital. Rasiera, hostorium, longitudine unius brachii. Stat. Avellæ ann. 1496. cap. 191. ex Cod. reg. 4624 :
Cum hasta ipsius crochi longa uno Raso applicato et suspenso in collo.
Vide supra Rasa 4.
© École des chartes.
[]« 3 rasum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 022c. http://ducange.enc.sorbonne.fr/RASUM3
3. RASUM, Solum, pavimentum. Reparationes factæ in Senescallia Carcassonæ ann. 1435. e MS. Cod. D. Lancelot :
Pro octo peciis fustium vocatis Fucilhas, qualibet longitudine sex cannarum, ad faciendum pontem, sine quo ferri non poterat Rasum dictarum paxerie et tarrasserie.
Gall. ad verbum Rez, vel pavé desdites chaucée et terrasse.
P. Carpentier, 1766.
◊ Pro Planities etiam, Gall. Raze campagne, Hisp. Raso. Epist. Bened. VI. PP. ann. 974. tom. 9. Collect. Histor. Franc. pag. 243 :
Ab ipsa meda.... et ipso Raso in locum quem dicunt Tres-fratres, etc.
Hinc Ad Rasum terræ diruere, Solo penitus, Gall. Rez-terre. Arest. ann. 1278. in Reg. 2. Olim parlam. Paris. fol. 40. v° :
Ordinatum fuit quod melior domus sua usque ad Rasum terræ diruatur.
Unde Rez à Rez, Omnino, prorsus, in Chron. S. Dion. tom. 3. Collect. Histor. Franc. pag. 245 :
Cilz.... ravirent tout premierement et pristrent si Rez à Rez, que il lessierent sa fame à grant povreté. Au rez
vero, Præter, vulgo à l'exception, sonat in Lit. remiss. ann. 1404. ex Reg. 158. Chartoph. reg. ch. 386 :
Le suppliant raporta toute laditte monnoye d'or et d'argent, au Rez du franc vielz dessusdit.
P. Carpentier, 1766.
◊ Aliud autem est le Reiz vel Rez de la nuit, Nox scilicet adveniens, tempus quo lux obscuratur. Lit. remiss. ann. 1425. in Reg. 173. ch. 335 :
Le deuxieme jour du mois de Janvier environ le Rez de la nuyt.
Aliæ ann. 1479. in Reg. 205. ch. 427 :
Le suppliant print ung gros baston blanc en sa main, et estoit au Reiz de la nuit.
les Bénédictins de St. Maur, 1733–1736.
Rasum ad Rasum, a veteri Gallico Rez à Rez, Quasi superficiem legendo. Charta Theobaldi Comitis Campaniæ e Chartulario Meldensi :
Mete posite sunt a predictis arbitris in dicto foro, que tales sunt : videlicet foramen quod est sub domo Agnetis de Ponte per ante domos Rasum ad Rasum prout se superius extendunt.... et per ante domos Rasum ad Rasum usque ad domum S. Faronis, et per ante domum S. Faronis Rasum ad Rasum ad domum Roberti de Corbeia, et dehinc per ante domos Rasum ad Rasum ad domum Agnetis de Ponte.
© École des chartes.
[]« 4 rasum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 022c. http://ducange.enc.sorbonne.fr/RASUM4
4. RASUM, Ῥάσον Græcobarbaris, Vestis novitiorum Monachorum, qui ῥασοφόροι dicuntur. Vide Balsamon. in Syn. CP. can. 5. Meurs. in Gloss. Glossar. med. Græcit. col. 1284. et Salmas. ad Tertull. de Pallio pag. 35. S. Althelmus de Laude virg. :
Nec lacerna tibi vilescat vitrea, virgo,
Tergore vel Rasso, et lignis compacta salignis,
Seu membranarum tenui velamine facta.
Ubi legendum raso. Vide Razium.
© École des chartes.
[]« 5 rasum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 022c. http://ducange.enc.sorbonne.fr/RASUM5
5. RASUM, Alia notione, si tamen vera lectio est. Chartularium Monasterii S. Sulpitii Bituric. fol. xi. v° :
In villa quæ dicitur Boscheto, hoc est, mansus [] meus indominicatus, una cum casuali, Rasis, domibus, edificiis, etc.
Forte legendum est casis.
© École des chartes.
[]« 6 rasum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 023a. http://ducange.enc.sorbonne.fr/RASUM6
6. RASUM, Mensura vinaria. Ordo eccl. Ambros. Mediol. ann. circ. 1130. apud Murator. tom. 4. Antiq. Ital. med. ævi col. 920 :
Unum Rasum vini, quæ sunt tres partes sextarii.
© École des chartes.