3. RATIO, Rata portio rerum ad victum necessariarum militibus contingens, aliisve, Gall. Ration. Bulla Bonifacii VIII. PP. pro Jacobo II. Rege Aragon. tom. 3. Concil. Hispan. pag. 536 :

Tenebitur idem Rex, juxta mandatum Ecclesiæ, galearum numerum bene armatum tam de hominibus, quam de aliis opportunis et guarnimentis, et numerum militum ad Rationem et gagia de terris suis, sub capitaneo vel admirato... præficiendo, ipsum personaliter sexaginta galeis armandis per ipsum Regem in terris suis cum sumptibus et expensis Ecclesiæ sæpe dictæ, ad rationem viginti quinque millium solidorum.

Capitulum generale MS. S. Victoris Massil. ann. 1378 :

Clerici priorum et infirmarii, qui sunt in possessione percipiendi Rationem de dispensa, permaneant in eadem possessione.

Contractus Monialium Artacellæ 27. Febr. ann. 1403 :

Debent dare...... dominæ Priorissæ quatuor mensuras vini ultra pensionem... item Refectorariæ pro suo labore duos justiales vini ultra suam Rationem.

Ubi Pensi et Ratio idem sonant.