« »
 
RAPTUS 1, RATUS 1, RATUS 2, RATUS 3.
[]« 1 raptus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 017b. http://ducange.enc.sorbonne.fr/RAPTUS1
1. RAPTUS, Vis, violentia. Lex Alamann. tit. 58. § 1 :
Si qua libera femina virgo vadit in itinere suo inter duas villas, et obviavit eam aliquis, et per Raptum denudat caput ejus, cum sex solidis componat.
P. Carpentier, 1766.
◊ Raptum. Glab. Rodulph. tom. 10. Collect. Histor. Franc. pag. 6 :
Ibi aliquandiu morantes (Sarraceni) vastando regionem, in gyro diverso Raptu tempus expleverunt.
Charta Theob. comit. ann. 1238. in Chartul. Campan. ex Cam. Comput. Paris. :
Quod si dictus Hugo homicidium vel furtum perpetraret, vel aliquod enorme delictum, quod appellatur vulgariter Raptus, etc.
Nostris alias Emmenement, eodem intellectu, ut videre est supra in Intrahere.
Raptus, Concubitus illicitus, Ugutioni, et Joanni de Janua : Nuptiæ occultæ, clandestinæ. Consilium Trosleianum ann. 909. cap. 8 :
Est præterea quædam execrabilis species rapinæ, vel potius sacrilegii, quam ex ipso actu rustici Raptum vocant.
Infra :
Decernimus, ut nullus [] occultas nuptias vel Raptum faciat,... sed dotatam, et a parentibus traditam, per benedictionem Sacerdotum accipiat, etc.
Charta Guidonis Regis Hierosol. ann. 1190. apud Guesnaium in Annalibus Massiliensibus :
Excepto furto, homicidio, tradimento, falsamento monetæ, violatione mulierum, quod Rapt vulgariter dicitur.
Ratus, pro Raptus. Charta Willelmi Comitis Pontivi ann. 1203. in Tabular. S. Judoci :
Et notandum, quod Comes Monsteroli et Pontivi extra villam B. Judoci per totum Comitatum prædictæ Ecclesiæ debet habere assultum, murdrum, scatum, et Ratum, violentiam scilicet mulieris vi oppressæ.
P. Carpentier, 1766.
◊ Tabular. Major. monast. :
Latronem etiam sanguinem, Ratum et cætera hujusmodi.
Charta Hugon. III. ducis Burg. ann. 1189. inter Probat. tom. 1. Hist. Burg. pag. 64. col. 2 :
Cognitum fuit quod nec bannum nec Ratum, id est nec banc nec Ram, nec aliquam aliam justitiam in villa S. Sequani habemus. Ratrum
mendose, pro Rattum, tom. 12. Gall. Christ. inter Instr. col. 108.
De Rato, de armis esmolutis, de latrone, de homicidio est in voluntate domini,
in Charta ann. 1229. Vide supra Rantus.
© École des chartes.
[]« 1 ratus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 029b. http://ducange.enc.sorbonne.fr/RATUS1
1. RATUS, Rattus, Mus major, vulgo Rat, apud Silvestrum Giraldum in Topogr. Hibern. dist. 2. cap. 32. Idem in Itinerario Cambriæ lib. 2. cap. 2 :
Murium majorum, qui vulgariter Rati dicuntur.
Willelmus Andrensis in Chronico :
Cum... tam noctuas, quam Rattos sibi infestos animositate juvenili circumquaque fugaret, etc.
Vita S. Lanfranci num. 8. tom. 5. Maii pag. 835 :
Mures et Rati valde sunt nobis infesti, et idcirco nunc affero catum.
Vide Vossium lib. 1. de Vitiis sermonis cap. 28. De vocis etymo vide quæ commentantur Cobarruvias, Ferrarius, et alii.
Raturus, in Gloss. Ælfrici, Ræt, id est Mus.
Rato, Eadem notione. Henric. de Knyhgton. ann. 1381 :
Tanta agilitate ascenderunt, ac si essent Ratones, vel spiritu aliquo vecti.
Elmham. in Vita Henrici V. Regis Angl. cap. 68 :
Tandem murum Ratonumque carnes exoticas, magno comparatas precio, rapida ventris voracitas in suam sallosam abyssum devorat et receptat.
© École des chartes.
[]« 2 ratus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 029b. http://ducange.enc.sorbonne.fr/RATUS2
2. RATUS, pro Raptus. Vide Raptus.
© École des chartes.
[]« 3 ratus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 029b. http://ducange.enc.sorbonne.fr/RATUS3
3. RATUS, Alia notione. Concessio cannabinæ sub Henr. I. rég. Franc. ex Chartul. S. Sulpit. Bitur. fol. 32. v° :
Ad fossatum faciendum, propter ipsos Ratos salvandos, dedimus septem solidos.
An legendum est Rasos, Canalis, alveus ? Vide supra Rasa 1.
© École des chartes.