« »
 
REGULA 1, REGULA 2, REGULA 3, REGULA 4, REGULA 5, REGULA 6, REGULA 7, REGULA 8, REGULA 9, REGULA 10.
[]« 1 regula » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099a. http://ducange.enc.sorbonne.fr/REGULA01
1. REGULA, Canon, exactio, pensitatio. Charta Athanasii III. Episcopi Neapolitani sub ann. 937 :
Ut nullam Regulam, nullumque censum, neque aliam conditionem in eodem Monasterio S. Severini aliquando haberet.
Infra :
Sine omni censu vel Regula, omnique conditione, etc.
© École des chartes.
[]« 2 regula » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099a. http://ducange.enc.sorbonne.fr/REGULA02
2. REGULA, pro Necrologio. Hinc in Regula inscribi, idem valet ac in Necrologio, quod in omnibus fere Monasteriis, maxime Benedictini Ordinis, idem Codex et Martyrologium, et Regulam, et Necrologium contineret, et ex iis quotidie in Capitulo aliquid Monachis prælegeretur : ex Martyrologio, ut oratio sancti diceretur : ex Regula, ut memoriæ mandaretur, ex Necrologio vero, ut pro defunctis hac die tum Monachis, tum aliis in societatem beneficiorum adscitis oraretur : defunctorum enim et benefactorum nomina referebantur in eum codicem, ut pro iis obituum diebus preces ab omnibus funderentur. Capitulare Aquisgranense ann. 817. cap. 69 :
Ut ad Capitulum primitus Martyrologium legatur, et dicatur versus, deinde Regula, aut Homilia quælibet legatur.
Hinc Annotatio nominum in Regula, in Charta ann. 1177. apud Buzelinum lib. 2. Gallo-Fl. cap. 23. Bernardus Mon. in Consuet. Cluniac. MSS. cap. 76. § 41 :
Et sic pro omnibus fit unum officium cum generali Missa, et cæteris, quæ fieri solent pro nostris, excepta præbenda, et brevium transmissione, ac Regulæ annotatione.
Martyrol. Corbeiense :
Deinde tricenarius cum septenario, et ab uno quoque Sacerdote Missa pro eo dicitur, et ab aliis 30. Psalmi. In Regula ponitur.
Alibi :
Habeant officium, et septenarium, et tricenarium, et annotationem in Regula.
Historia de Fratribus Conscriptis tom. 2. Alamann. Goldasti, de anniversario :
Hoc quoque in nostra Regula placuit nobis conscribi, ut nunquam vel oblivio vel negligentia valeat prætermitti.
Cardinalis Bona lib. 2. Rerum Liturgic. cap. 14. num. 2. ait, in Monasteriis viguisse hunc morem, et in plerisque adhuc manere, ut mitterent sibi invicem fratrum, amicorum, et benefactorum defunctorum nomina, ut diptychis inscriberentur : postquam vero diptychorum usus desiit, in libro, quem Necrologium vocabant, ea descripta, et quotidie post lectionem Martyrologii ex ipso codice eorum nomina lecta, qui ipsa die obierant, et pro ipsis Psalmum De profundis cum oratione competenti decantari solitum, sicut hodie fit in plerisque Monasteriis. Cujus quidem consuetudinis exempla varia suggerit Bonifacius Moguntin. Epist. 24. 62. 84. 95. 106. Vide Chronicon Andrense pag. 487. et Haëftenum lib. 8. Disquis. Monast. tract. 1. Disq. 6. § 3. []
P. Carpentier, 1766.
◊ Riule, eadem notione, in Inventar. MS. eccl. Camer. ann. 1371 :
Item un livre contenant le Riule, que les enfants lisent en Quaresme. Ruile,
regula, in Chron. S. Dion. tom. 3. Collect. Histor. Franc. pag. 194. Hinc Vie ruilée, pro Réglée, apud Christ. Pisanam in Carolo V. part. 3. c. 11.
© École des chartes.
[]« 3 regula » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099b. http://ducange.enc.sorbonne.fr/REGULA03
3. REGULA, Idem quod
Canon pœnitentialis
, in Capitulis Aithonis Episcopi Basileensis cap. 6. Leo IV. PP. in Epist. ad Episcopos Britanniæ cap. 4 :
Qui divinationes expetunt, et morem gentilium subsequuntur,... sub Regula quinquennii jaceant, i.
quinque annorum pœnitentiæ.
© École des chartes.
[]« 4 regula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099b. http://ducange.enc.sorbonne.fr/REGULA04
4. REGULA, pro Regiola, ut puto, mendose. Vide Regiolæ, in Regia 3.
© École des chartes.
[]« 5 regula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099b. http://ducange.enc.sorbonne.fr/REGULA05
5. REGULA, Monasterium a Regula monastica in eo observanda sic dictum. Tabularium sanctæ Mariæ Andegavensis :
Mathias civitatis Nanneticæ Comes, etc. Letburgis abbatissa monasterii S. Mariæ Andecavæ civitatis nos rogavit, ut in urbe Nannetica locus sibi daretur, ubi monacharum Regulam construere possit.
© École des chartes.
[]« 6 regula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099b. http://ducange.enc.sorbonne.fr/REGULA06
6. REGULA, Principium, axioma, vel argumentum seu hypothesis. Vetus Interpres S. Irenæi lib. 2. cap. 7. num. 2 :
Soluta est ipsorum, secundum suam Regulam, maxima blasphemia.
Utitur alibi. Nos quoque Regles appellamus principia, præcepta et axiomata, quæ quis sequitur in agendo vel ratiocinando.
© École des chartes.
[]« 7 regula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099b. http://ducange.enc.sorbonne.fr/REGULA07
7. REGULA, Oppidum vel vicus et ipsius loci commune, in agro Cadubrii seu Cadorino. Statuta ejusd. Cadubrii lib. 1. cap. 16 :
Jubemus, quod eligantur singulis annis Jurati in Cadubrio... unus pro qualibet Regula, et quælibet Regula suum Juratum eligere teneatur simul cum suo vel suis maricis.
Cap. 58 :
Quilibet maricus... teneatur... procurare... quod omnes et singulæ stratæ et viæ, ac etiam calles et pontes existentes in suis villis et Regulis, teneantur curatæ et mundæ ab omni immunditia... et sint latæ et largæ.
Caput 47. eorumdem Statutorum inscribitur :
Ad quem appellari possit a sententiis latis per dominum vicarium super quæstionibus vertendis inter Regulas et communitates.
Ibid. cap. 70 :
Volumus et jubemus, quod aliqua Regula et commune Cadubrii non audeat, neque præsumat aliquo modo, colore vel ingenio, aliquem forensem in vicinum sive Regulerium acceptare, nisi prius apparuerit dictum talem sic requirentem in vicinum assummi, per consilium fuisse admissum et acceptatum in civem in forma, etc. Et si aliqua Regula contra præmissa et quodlibet præmissorum fecerit, condemnetur arbitrio consilii, et quod omnis vicinitas, quæ ab aliqua Regula Cadubrii facta fuisset contra ordinem præsentis statuti, ipso jure sit nulla.
Rursum cap. 79 :
Ad majorem utilitatem et commodiorem gubernationem communium sancimus, quod quælibet Regula et commune Cadubrii possit et valeat, convocato marico suo, et aliis vicinis, disponere et statuere, et lauda sua formare ac reformare, quibus dispositionibus et laudis factis, formatis et reformatis, ipsa communia et Regulæ dicta lauda teneantur et debeant exhibere et præsentare domino Vicario, petentes et instantes pro bono et utilitate ipsarum eas et ea confirmari : et dominus Vicarius possit et debeat ipsas et ipsa per totum commune sive Regulam, aut majorem partem eorum facta et deliberata, si juri consona... fuerint, confirmare.
Denique cap. 92 :
Decernimus, quod si fuerint vir [] et uxor consortes in uno et eodem monte, sive una et eadem Regula montium, utrique non habeant, nec habere possint, nisi unam consortiam tantum, et pro uno consorte habeantur.
Vide Regulatus 3. et Regulatores in Regulare.
© École des chartes.
[]« 8 regula » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099c. http://ducange.enc.sorbonne.fr/REGULA08
8. REGULA, Versus, versiculus. Voces Regulæ et lineæ, recentioribus in usu, pro versu libri seu versiculo, ut Latini loquebantur, prorsus reprobat Vossius lib. 1. de Vitiis serm. cap. 26.
© École des chartes.
[]« 9 regula » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099c. http://ducange.enc.sorbonne.fr/REGULA09
9. REGULA, Proclamatio, auctio, ut videtur. Arest. scac. Paschæ ann. 1276. in Reg. S. Justi ex Cam. Comput. Paris. fol. 37. r°. col. 1 :
De domino Nicholao Malemains, qui de boscis suis, in quibus dominus rex habebat tertium et dangerium, fecit Regulam ad vendendum, licentia non petita, nec solvit tertium et dangerium.
© École des chartes.
[]« 10 regula » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 099c. http://ducange.enc.sorbonne.fr/REGULA10
10. REGULA, pro Regularis, monasticæ regulæ addictus. Charta ann. circ. 992. apud Lamium in Delic. erudit. inter not. ad Hist. Sicul. Bonincont. part. 2. pag. 316 :
Dominus Petrus, religiosus presbiter et monachus, abbas Regula ipsius monasterii sancti Fidelis, etc.
les Bénédictins de St. Maur, 1733–1736.
Regula Canonica, Norma sacris canonibus consentanea. Capitulare 4. ann. 806. cap. 2 :
Ut omnes Episcopi potestative secundum Regulam canonicam doceant, et regant eorum ministeria, tam in monasteriis virorum quam puellarum, vel in forensibus presbyteris, seu reliquo populo Dei.
Adde lib. 6. Capitul. cap. 246.
les Bénédictins de St. Maur, 1733–1736.
Regula Canonicorum, Eadem quæ Monachorum. Capitulare Aquisgran. ann. 816. cap. 3 :
Quia vero canonica professio a multis, partim ignorantia, partim desidia, dehonestabatur, operæ pretium duximus, Deo annuente, apud sacrum Conventum ex dictis SS. Patrum... in unam Regulam canonicorum et canonicarum congerere, et canonicis vel sanctimonialibus servandam contradere, ut per eam canonicus ordo absque ambiguitate possit servari. Et quoniam illam sacer Conventus ita etiam laudibus extulit, ut usque ad unum iota observandam percenseret, statuimus ut ab omnibus in eadem professione degentibus indubitanter teneatur, et modis omnibus sive a canonicis sive a sanctimonialibus canonice degentibus deinceps observetur.
Eadem habentur lib. 1. Capitular. cap. 79. et in Addit. 3. cap. 3.
les Bénédictins de St. Maur, 1733–1736.
Regula Ferrea in judicio ferri candentis adhibita. Chronicon Mutin. ad ann. 1329. apud Murator. tom. 11. col. 119 :
Mutinensibus denegantibus, ut rei veritas se habebat, et Regulam ferream igne calefactam manu sumere offerentibus, quam accipiebant nulla habita læsione ipsi Mutinenses.
Vide in Ferrum candens.
P. Carpentier, 1766.
◊ Vectis, Gall. Barre. Necrol. eccl. Paris. MS. :
Candela quædam integra erit super Regulam ferream, etc. Une Reilhe de fer,
in Lit. remiss. ann. 1481. ex Reg. 209. Chartoph. reg. ch. 189.
Rille,
in aliis ann. 1404. ex Reg. 159. ch. 37. et Raylle, ibid. ch. 110. Vide supra Penna 5.
Regula Sancta, Eadem, quæ S. Benedicti. Vita S. Præjecti :
Monasterium construens, sub norma sanctæ Regulæ ibidem constituit virgines.
Charta Ludovici Pii pro Monasterio Fossatensi in Tabulario ejusd. Monast. fol. 7 :
Ubi olim Monachi sub sancta Regula deguerunt.
Infra Regula S. Benedicti dicitur. Ita Capitulare Pipini Regis Italiæ cap. 11. Paschasius [] Radbertus in Epitaph. Walæ lib. 2. cap. 21. Vita Eigilis Abb. Fuld. num. 6. 21. edit. Mabillonii, idem Eigiles in Vita S. Sturmii num. 20. Sisnaudus Episcopus Iriensis in Charta æræ 952. apud Yepez tom. 4. etc. Id multis vir doctissimus probavit D. Philipp. Bastide Benedictinus in Dissert. de Antiqua Ord. S. Benedicti propagatione cap. 7. et ante eum Sandovallius de Prælio Clavigensi pag. 194. 195. Charta, scripta ann. 20. Ludovici IV. Regis Franc. in Tabulario Conchensi in Ruthenis num. 6 :
Degentes sub Regula S. Benedicti, qui Domino sedulo famulare videntur propter hanc Regulam sanctitatis.
Vide Appendicem ad Capitul. pag. 1421.
les Bénédictins de St. Maur, 1733–1736.
◊ Riulle olim nostris pro Regula dictum fuisse discimus ex veteri interpretatione Regulæ S. Benedicti in Codice MS. Corbeiensi, ubi legitur :
En cheste Riulle nous ammoneste sains Benoist aussi comme li peres li fil,
Ausculta o fili.
Regula Sanctorum Patrum, SS. Benedicti scilicet et Columbani. Vide eumdem Bastidam cap. 8. et Joan. Mabillonium in Præfat. ad 4. tomum Vitar. Ord. S. Benedicti num. 37.
L. Favre, 1883–1887.
◊ De modo quo Regula servabatur vel reformabatur in monasteriis Cluniacensibus, legere poteris visitationem quamdam abbatis in Mauziacense conventu factam (an. 1264) :
Cum dominus abbas Clun. Mauzaciense monasterium, tanquam pater abbas ipsius monasterii hoc anno visitaverit et ad reformationem ordinis statuerit in dicto Mauzaciense monasterio ea que sunt inferius annotata, scilicet quod silentium in claustro, monasterio, dormitorio et refectorio cum summa diligentia custodiatur sicut moris est apud Cluniacum et qui in dicto silentio in dictis locis offenderit regulariter in capitulo puniatur... etc.
(Chart. Clun. Coll. Burgund. B. N. t. 82, n° 337.)
© École des chartes.