RENTA, Glossarium mediae et infimae latinitatis, Du Cange et al.

« Renta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 125a. http://ducange.enc.sorbonne.fr/RENTA

RENTA, Idem quod Renda, Reditus, census annuus, Gall. Rente. Codex MS. reddituum Episcopatus Autissiod. sub finem sæculi xiii :

Ad festum S. Eusebii habent Episcopus et Comes denariatam panis ab omnibus panetariis et revenditoribus Autiss. et in hac Renta habet S. Eusebius vi. partem.

Charta ann. 1395 :

Pontius Lobiere Præpositus Tolonensis dat et concedit ad facheriam, sive Rentam, jura, domos, terras, perceptiones census, servitia, trezena, tascas et arrota, quæ habet in castro de Soleriis.

De variis rentarum generibus consulendus est Eusebius de Lauriere in Glossario Juris Gallici v. Rente et in Dissertatione Gallica de Tenemento quinquenni, ubi fusius agit de rentis pecunia numerata comparatis, variasque et integras hac de re refert summorum Pontificum Bullas, Martini V. Nicolai V. Calixti III. Pii V. Gregorii XIII. Clementis VIII. necnon Arresta supremi Senatus Parisiensis : quæ hic indicasse satis est, cum ea exscribere non sinant Glossarii fines.

les Bénédictins de St. Maur, 1733–1736.

◊ Gallicum Rente interdum accipitur pro speciali ac determinato censu dominico, ut discimus ex Libro anniversariorum et censuum Monasterii S. Germani Paris. sign. B. fol. 200 :

Les noms de ceulx, qui doivent les droittures, que nous avons à Clamart. Premierement Robert Patou pour sa maison du bout de la ville tenant à Jaquemain Hanecart, demie Rente ; item pour demi quartier de terre au chief de la ville...... le huitiéme d'une Rente ; item pour trois quartiers demi Rente. Thomas Court-neufve pour sa maison et jardin... trois quarts d'une Rente et l'huitiesme, trois deniers moins. Huet Guoguille pour quartier et demi de jardin..... un quart et l'uittiesme d'une Rente.

Pluries occurrit ibi. Quem vero censum peculiarem designet, docemur eod. fol. verso :

Et vault la droitture

(vel Rente ; unum enim idemque sonant voces Droitture et Rente) ung septier d'avene et ung minot de froment et deux chappons seurennez. Vide Dretura in Directum 3.