« »
 
[]« Repositorium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 133a. http://ducange.enc.sorbonne.fr/REPOSITORIUM
REPOSITORIUM, Discus major, in quo variæ simul lances componebantur ac [] reponebantur, ad mensam, apud Plinium, Petronium, eumdemque in Fragmentis pag. 9. 11. 31. 46. quod Compostile vocat Ennodius Epigr. 22.
les Bénédictins de St. Maur, 1733–1736.
Repositorium, Id omne in quo aliquid reponitur. Perpetuus Turon. Episc. sæc. 5. in suo Testamento legat
Amalario presbytero capsulam communem unam de serico, item peristerium et columbam ad Repositorium
 ; id est, columbam ad reponendam sacrosanctam Eucharistiam, ut probat Mabillonius lib. 1. de Liturgia Gallic. cap. 9. num. 13. Breviarium divisionis thesaurorum Caroli M. ann. 811 :
Harum divisionum... unaquæque ab altera sequestrata, semotim in suo Repositorio cum superscriptione civitatis ad quam perferenda est, recondita jacet.
S. Bernardus de Conversione ad Clericos cap. 3 :
In illud siquidem (pravæ conscientiæ) Repositorium, velut in sentinam aliquam, tota decurrit abominatio et immunditia defluxit.
Computus ann. 1244. MS. Bibl. Regiæ :
De quodam Repositorio ad nebulas v. s.
Statuta Eccl. Nannet. ann. 1365. apud. Marten. tom. 4. Anecdot. col. 930. et Statuta Eccl. Meld. eod. ann. tom. 2. Histor. ejusd. Eccl. pag. 508 :
Item, quod duæ sint cuppæ, seu duo Repositoria, unum videlicet quod pro hostiis conservandis remaneat, alterum quod ad infirmos deferatur.
Inventarium Eccl. Aniciensis ann. 1444 :
Item, quoddam estoy corporalium de panno nigro Damacii. Item, quoddam Repositorium corporalium de veluto nigro.
Ubi Estoy (nostris Etui, Theca) et Repositorium idem sonant. Charta Petri Noviom. Episc. ann. 1412 :
In medio partis dicti cimiterii pro cimiterio remanentis fiat una crux honesta, et prope ipsam aliquod Repositorium conveniens ad reponendum ossa seu reliquias deffunctorum, quæ reperientur in parte dicti cimiterii.
Acta B. Andreæ pueri, tom. 3. Julii pag. 464 :
Reportatus rursum est thesaurus (id est, corpus sacrum) ad ecclesiam S. Apostoli Andreæ in Rinn, non amplius in cœmeterio, sed in Repositorio, quod in templi pariete hunc in finem studio fuerat excavatum, recludendus.
Ubi Repositorium idem est quod Sepulcrum. Eodem sensu apud Jul. Valer. de rebus Alex. M. lib. 3. cap. 95. ed. Mai. Vide Repositum 3. Synodus Valentina ann. 1581. tom. 4. Concil. Hisp. pag. 288 :
Rector et clerus intra ipsum Ecclesiæ archivum, Repositorium unum conficiant, cum tot scriniolis sive cellulis, quot in illa Ecclesia beneficia fuerint : in quo acta omnia et instrumenta ad beneficium spectantia in posterum recondantur, ita ut singulæ cellulæ singulis beneficiis deputentur.
Vide mox Repositum 1.
P. Carpentier, 1766.
◊ Pro vase Eucharistico, vulgo Ciboire, occurrit in Invent. S. Capel. Paris. ann. 1376. ex Bibl. reg. :
Item quoddam Repositorium, sive Cyboire Gallice, quod supra majus altare est appensum, in quo est quædam cupa auri, ubi reconditum est sanctum Sacramentum.
Aliud Gallicum ibid. :
Item un cyboire pendant sur le grant autel, ouquel repose le très-saint Sacrement.
Annal. Trenorch. ad ann. circ. 1562. inter Probat. ult. Hist. ejusd. pag. 290 :
Allerent (les Hérétiques) jusqu'à l'insolente impiété de briser le Repositoire, où estoit le précieux Corps de N. S. J. C.
P. Carpentier, 1766.
◊ Pro Armario, maxime in quo sacra reponuntur, nostris etiam Repositoire, in Stat. eccl. Tull. MSS. ann. 1497. fol. 17. r° :
Mox incensat reliquias beati Amonis existentes in Repositorio.
Lit. remiss. ann. 1479. in Reg. 206. Chartoph. reg. ch. [] 259 :
La suppliant rompit ung aulmoire ou Repositoire, et en icelle print ung calice.
P. Carpentier, 1766.
Repositorium Apium, Alvearium, Gall. Ruche d'abeilles. Lit. remiss. ann. 1366. in Reg. 98. Chartoph. reg. ch. 680 :
Unum vissellum seu Repositorium apium, et unam gerbam seu javellam porrorum... furatus fuit dictus exponens.
P. Carpentier, 1766.
◊ Hinc Repos, pro Berceau, Cunabula, in Lit. remiss. ann. 1448. ex Reg. 176. Chartoph. reg. ch. 587 :
Le barseau ou Repos pour y couchier icellui enfant.
Froissart. vol. 2. cap. 103 :
Les Gandois... trouverent le Repoz, où le comte avoit esté mis d'enfance, et le dépecerent piece à piece.
Vasa Repostoria, In quibus quid reponitur. Papias : Vasa Repostoria, arca, gazophylacium, cibutum, loculus, scrinia, etc. Ordericus Vitalis lib. 13. pag. 898 :
Tonnas falerni plenas, aliaque vasa Repostoria cum multis speciebus ex pretiosis opibus de suis locis transtulerunt.
Vide Salmasium in Observationibus ad Jus Atticum et Romanum pag. 451. Et Forcellin. in voce Repositorium.
Repostorium Sanctius, Ærarium, vel potius Cimeliarchium, apud Capitolinum in Antonino Philos. Glossæ Basilicæ : Ῥεποσιτόριουμ, παραθηϰαρεῖον.
© École des chartes.