REPRISIO Feudi, Reprise de fief, in Consuet. Nivern. cap. 4. et Trec. art. 18. Homagium seu servitium feudale ; quo præstito, vassallus feudum a domino recipit : unde Reprisire, illud præstare ; quo sensu Reprendre nude dixerunt, ut legitur in Chartul. S. Benigni Divion. :

Ce sont les personnes notaubles et seculares, qui furent presens à Dijon le 17. jour du mois de May l'an 1350. quant messire Jehan de France duc de Normendie, à cause dou bail de Philippe duc de Bourgogne meindre d'aage, Reprist de frere Pierre abbé de S. Benigne de Dijon.

Charta Joan. de Vergeio ann. 1297. in Chartul. eccl. Lingon. ex Cod. reg. 5188. fol. 27. v° :

In qua Reprisione præmissorum (feodorum) de novo sic facta per me, interfuerunt testes inferius nominati.

Et fol. 28. r° :

Item recognovi et recognosco me tenere ab episcopo prædicto suisque successoribus, nomine dictæ ecclesiæ Lingonensis, in augmentationem feodi mei, ea, quæ recepi et Reprisivi a gardianis, sede vacante, nomine episcopatus Lingonensis. Recognovit dom. R. se Reprisisse et se tenere in feodum,

in Ch. ann. 1259.. ibid. fol. 142. r°. Vide Relevare feudum et supra Reprisia 1.