RESCRIPTUM, Scriptum, quo summi Pontifices aut Imperatores respondent consulentibus, Gall. Rescrit. Ulpianus lib. 49. Dig. leg. 1. § 1 :

Quæsitum est, an adversus Rescriptum Principis provocari possit, forte si quis Præses provinciæ, vel quis alius consuluerit, et ad consultationem ejus fuerit Rescriptum..... de qua re exstat Rescriptum divi Pii... quo ostenditur provocari oportere, etc.

Usurparunt Tacitus et alii recentiores. Romanorum Pontificum Rescripta species sunt Bullarum vel Monitoriorum, quæ vulgo hisce verbis incipiunt :

Significavit nobis dilectus filius, etc.

Hæc locum non habent in Gallia, et si Libertatibus nostris adversentur, declarantur abusiva. Rescriptum Apostolicum, in Sententia ann. 1495. 25. Aug. e Tabulario Monasterii de Bono-Nuncio Rotomagens. et alibi. De Rescriptis consuli potest Antonius Schulting in suis Dissertationibus.