« »
 
RESTA 1, RESTA 2, RESTA 3, RESTA 4, RESTA 5.
[]« 1 resta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 153c. http://ducange.enc.sorbonne.fr/RESTA1
1. RESTA, Gall. Restes, Debets, Reliqua rationum. Charta ann. 1354. tom. 1. Hist. Dalphin. pag. 216. col. 1 :
Dominus Comes cupiens solvere Restam et arreragia, etc.
Litteræ Johannis Franc. Regis ann. 1362. apud D. Secousse tom. 3. Ordinat. Reg. pag. 566 :
Ad solvendum nobis... Restas quas per fines compotorum suorum hujusmodi debentur.
Reste debite Regi, in Memoriali MS. Cameræ Comput. Paris. ann. 1378. fol. 207. Scheda ann. 1379. e Tabulario S. Victoris Massil. :
Viginti florenos solvatis de Resta centum illorum per civitatem debitos.
Procuratio ann. 1392. tom. 9. Spicil. Acher. pag. 293 :
Ad petendum et recuperandum in totum vel in parte Restam dotis promissæ nobis.
Apocha Petri Camerac. Episc. ann. 1397. e Bibl. Reg. :
Cognoscimus recepisse..... summam 334. lib. 14. sol. 7. den. cum picta Turon. monete Cameraci currentis pro parte nostra Reste compoti magistri Guillelmi Floriti receptoris temporalitatis in Cameraco.
Charta ann. 1428. e Chartulario S. Vandregesili tom. 2. pag. 1746 :
Occasione decem octo modiorum vini boni, sani, puri et sufficientis, ad mensuram Meduntæ sibi debitorum de Resta solutionum prædictorum sex modiorum quinque annorum præcedentium, etc.
Sententia arbitralis ann. 1446. e Tabulario Corbeiensi :
Compelli ad solvendum..... viginti septem lotos cum dimidio loto vini..... ex Resta debitos.... et pro Resta ejusdem decimæ debitos, etc.
Conventio ann. 1522. e Schedis D. le Fournier :
Dictis hominibus non liceat aliquod avere, nec animalia grossa nec minuta, ad medias Restas, et medium crementum accipere neque tenere.
Adde novam Gall. Christ. tom. 3. col. 220. Instrum. et Lobinelli Glossarium tom. 3. Hist. Paris. Vide Restum.
© École des chartes.
[]« 2 resta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 153c. http://ducange.enc.sorbonne.fr/RESTA2
2. RESTA, pro Rasta. V. in hac voce.
© École des chartes.
[]« 3 resta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 153c. http://ducange.enc.sorbonne.fr/RESTA3
3. RESTA, Agger, moles aquis continendis. Bernardus Thesaurarius de Acquisitione Terræ Sanctæ cap. 206. apud Murator. tom. 7. col. 843 :
In universa siquidem Ægypti terra constructæ sunt Restæ sive clusæ, quæ aquam Nili retinent, quum suo more succrescit.
© École des chartes.
[]« 4 resta » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 153c. http://ducange.enc.sorbonne.fr/RESTA4
4. RESTA. Miracula S. Johannis Gualberti, tom. 3. Julii pag. 388 :
Ex Senarum civitate adolescentem acrem et fortem, catena etiam ligatum et innexum, nam funium Resta lacerasset, cum affines nobilissimi viri, multis comitantibus, traherent, etc.
Viri docti suspicantur idem esse quod Textura ; sed forte melius legeretur restes. Vide mox Restis.
© École des chartes.
[]« 5 resta » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 153c. http://ducange.enc.sorbonne.fr/RESTA5
5. RESTA, Jactura, decessio. Hinc
Tenere ad medias Restas et medium crementum
, ex Charta ann. 1522. in Resta 1. laudata, est Tenere ad medietatem accretionis et decessionis, quod
ad medium lucrum et perdre
dicitur, in Charta ann. 1490. ex sched. Pr. de Mazaugues. Pact. inter dom. et universit. de Albarno ann. 1516. art. 23 :
Averum quæ essent ipsorum hominum proprium, vel ad medias Restas illa tenentium.
Vide Mejaria 1.
© École des chartes.