« »
 
RESTIS 1, RESTIS 2, RESTIS 3.
[]« 1 restis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 155b. http://ducange.enc.sorbonne.fr/RESTIS1
1. RESTIS, Fasciculus rerum quarumpiam,[] maxime piscium, reste colligatus. Vita S. Joannis Eleemosynarii cap. 19 :
Mille Restes siccatorum piscium, qui Menomenæ dicuntur.
Liber Miraculorum S. Baboleni cap. 2 :
Institutum est a rectoribus antiquis Fossatensis Ecclesiæ, ut naves per gyrum ipsius Insulæ discurrentes, censum persolverent ob piscationis meritum, quem nuncupant vulgariter Restes. Resta,
Italis est alliorum vel ceparum sertum. Vide Martialem lib. 2. Epig. 32.
les Bénédictins de St. Maur, 1733–1736.
◊ Eadem notione, qua Italicum Resta, legitur Reis in Historia belli sacri Gallico idiomate apud Marten. tom. 5. Collect. Ampliss. col. 591 :
Lors le fist Quirsac despouller tot nu, et aporter une Reis d'aus, més ail n'y estoient mie.
Vide Restum 2.
Restis, Resticulus Lini, Fasciculus reste ligatus. Helmoldus lib. 1. cap. 12 :
De quolibet aratro mensura grani, et quadraginta Resticuli lini, et 12. nummi puri argenti.
Cap. 14 :
De quolibet scilicet aratro, quod duobus bobus aut uno constat equo, mensura grani, et 40. Restes lini, et 12. nummi probatæ monetæ.
Vide Ligassa. Quid vero restis dicatur in capite allii, vide apud Plinium et Marbodæum lib. 1. de Virtutibus herbarum cap. 5.
les Bénédictins de St. Maur, 1733–1736.
Resticula, Eodem significatu. Acta fundationis Murensis Monasterii apud Eccardum de Orig. familiæ Habsburgo-Austriacæ col. 224 :
Arat et secat fœnum, et metit sepitque et pullos dat et lini Resticulas.
Resticularius, Restio, σχοινοπλόϰος, in Gloss. Gr. Lat. MSS. Editæ habent Resticularis. In iisd. Glossis MSS. : Restor, Resticularis, σχοινάς. Editæ : Resor, σχοινάς. Item : Restio, σχοινοτρόφος, in Glossis Lat. Gr. Fronto : Restiarius, qui facit restes, Restio, qui vendit. Restiarius occurrit in veter. Inscript. apud Forcell. in hac voce et in Notit. Mogunt. apud Gudenum in Codic. Diplom. tom. 2. pag. 499. Gemma Gemmarum :
Restiarius, Germ. ein Wydmacher, Resticularius idem.
Resticuli Ferrei, Virgæ ferreæ leviores. Passio S. Quintini Martyris :
Sanctum Quintinum torqueri in tantum trocleis præcepit, ut membra ejus a suis juncturis solverentur : Resticulis insuper ferreis eum cædi, et oleum candens et picem, et adipem ferventissimam dorso ejus jussit infundi.
© École des chartes.
[]« 2 restis » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 155c. http://ducange.enc.sorbonne.fr/RESTIS2
2. RESTIS, Mensura agraria, de qua sic Johan. Mariana lib. de Ponder. et mensuris cap. 21 :
Canna ab Italis accepta, palmorum 10. Restis palmorum 33. Octoginta Restes leucam faciunt. Porro reductis palmis ad pedes, Restes 800. continent pedes 19800. nimirum 400. passus fere.
© École des chartes.
[]« 3 restis » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 155c. http://ducange.enc.sorbonne.fr/RESTIS3
3. RESTIS. Charta Henr. V. imper. apud Lam. in Delic. erudit. inter not. ad Chron. imper. Leon. Urbevet. pag. 192 :
Concedimus ut in sæpedicto flumine Arni..... quælibet utilia sibi ædificia construant.... Nec ulli hominum ibi ædificare, vel Restes aut molendinum ponere liceat, sine abbatis et fratrum consensu.
Quæ totidem verbis leguntur in Ch. Henr. V. ann. 1187. ibid. pag. 197. Melius tamen Folles habet Charta Otton. IV. ann. 1209. ibid. pag. 215 :
Indulsimus ut Folles eorum et omnia molendina ipsorum in fluminibus ædificata vel ædificanda, ab omni nunciorum nostrorum exactione libera.... sint.
Ubi ferrariarum fabricarum folles significantur.
© École des chartes.