« »
 
RETENTIO 1, RETENTIO 2, RETENTIO 3, RETENTIO 4, RETENTIO 5, RETENTIO 6.
[]« 1 retentio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 159b. http://ducange.enc.sorbonne.fr/RETENTIO1
1. RETENTIO, Copiarum militarium coactio, quas Princeps ad suum, uti dicimus, servitium retinet, Gallis Retenue. Henricus de Knyghton ann. 1347 :
Rex Edwardus ordinavit custodiam super villam Calesiæ, scilicet 300. viros armatos, 700. sagittarios. Comes Derbiæ Henricus habuit de Retentione sua, 800. armatorum et 2000. sagittariorum usque ad treugam captam, de quibus 30. ad bannerium, etc.
Et anno 1359 :
Rex fecit Retentionem, similiter et Domini Regni fecerunt, qualem præ valetudine non audivimus factam nostris anteactis temporibus, pro aliquo passagio ultra mare faciendo, etc.
Vide Retinentia.
© École des chartes.
[]« 2 retentio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 159b. http://ducange.enc.sorbonne.fr/RETENTIO2
2. RETENTIO, vox Practicorum, Protestatio. Stabilimenta S. Ludovici lib. 2. cap. 20 :
Et doit fere Retenue, que l'en appelle Protestation. Se mettre en esgart, ou connoissance de Cour, sauf son Retenail. Mettre son Retenail en chascun esgart. Sauver son Retenail. Mettre son Retenail,
sæpe in Assisiis Hierosolymitanis MSS. cap. 2. 3. 8. 23. 25. 26. 27. 31. 33. 65.
© École des chartes.
[]« 3 retentio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 159b. http://ducange.enc.sorbonne.fr/RETENTIO3
3. RETENTIO, Practicis, Retractus, qui duplex est, feodalis, et agnatorum. [] Nam prædium a vassallo venditum potest dominus, reddito et exsoluto condicto pretio, sibi retinere, ita etiam agnati, prædia avita præsertim, ab agnatis distracta, Droit de retrait et de retenue, in Charta ann. 1427. apud Thomasserium in Consuet. Bituric. pag. 126. Charta Libertatum oppidi de S. Paladio in Biturigib. ann. 1279 :
Ita tamen quod Retentionem non poterimus petere nec habere de hœreditatibus ipsorum hominum sitis in censivis nostris, quamdiu aliquis de genere venditoris velit Retentionem habere, qui attingat venditori de latere, a quo movet res alienata.
Vide Consuetud. Meledun. art. 127. Bituric. tit. 19. Senonens. art. 185. Silvanect. art. 226. Ambian. art. 18. 43. Claromont. art. 93. Bellilocensem art. 5. Castelletensem in Biturigibus art. 31. etc. de Nancæis in Biturigibus art. 10. 11. etc.
P. Carpentier, 1766.
◊ Hinc Littera retentionis, qua quis eo jure uti se velle significat. Charta ann. 1360. inter Stat. Delphin. pag. 33. v° :
De litteris Retentionis et laudationis, tres grossos.
© École des chartes.
[]« 4 retentio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 159c. http://ducange.enc.sorbonne.fr/RETENTIO4
4. RETENTIO, Pascuum, in quo herbam fœnumve secari vetitum est, ut uberior sit animalium pastus. Transactio Honorii Domini de Masalguis cum incolis ejusdem loci 8. Aug. ann. 1490. ex Archivo Præsidis de Mazaugues :
Quod liceat... facere Retentiones pro eorum animalibus aratoriis et de basto, licitas tamen et honestas, prout sunt assueti facere, citra tamen præjudicium averis pasquerii.
Campos hujuscemodi Devendudos appellant Provinciales. Vide Retenezo et Defensa 3.
© École des chartes.
[]« 5 retentio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 159c. http://ducange.enc.sorbonne.fr/RETENTIO5
5. RETENTIO, Tributum quodvis, ut videtur. Charta Aimerici de Narbona ann. 1176. in Instr. novæ Gall. Christ. col. 46 :
Convenio etiam et plivio, quod monasterium (Fontis-frigidi) jam dictum, et ea quæ ad ipsum ullo modo pertinent, manuteneam et deffendam pro posse meo et sensu, sicut mea propria, et sine censu et usatico, et sine omni Retentione.
Hoc est, nullum mihi retinendo seu exigendo tributum pro defensione mea ; nisi forte sine omni Retentione idem sonent quod absque ulla exceptione quæcumque monasterii sunt defendam. Vide Retinementum. Homagium Comiti Armaniaci præstitum ann. 1418 :
Item plus in prædicto loco habet et percipit feuda agraria, rendas, oblias, vestas, laudimia, investiones, Retentiones, etc.
© École des chartes.
[]« 6 retentio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 159c. http://ducange.enc.sorbonne.fr/RETENTIO6
6. RETENTIO, Refectio, reparatio, Gall. Entretien, réparation. Retenure, in Chartul. Corb. sig. Ezechiel ad ann. 1421. fol. 108. r° :
Ou cas qu'il y aroit pourreture ou ruine esdiz edefices, par deffaulte de malvaize Retenure et par negueligence, etc.
Charta ann. 1290. in Chartul. Thenol. ex Cod. reg. 5649. fol. 58. v° :
Cum discordia esset... super Retentione seu refectione cooperturæ cancelli parrochialis ecclesiæ de Castellione, etc.
Alia Phil. Pulc. ann. 1312. in Lib. rub. Cam. Comput. Paris. fol. 424. v° :
Statuentes quod omnes domus prædictæ,... regum Francorum quibuslibet expensis et sumptibus, coopertura et aliis quibuscumque Retentionibus necessariis atque refectionibus, quotienscumque expediens aut necesse fuerit, retineantur ac etiam reparentur. Dantes receptori nostro præposituræ Parisiensi... in mandatis, ut domos ipsas, cum clausuris suis, hujusmodi Retentionibus et refectionibus de nostro refici, retineri ac reparari faciat.
Charta ann. 1327. in Reg. 64. Chartoph. reg. ch. 583 :
Ad opus Retentionis, ac supportationis onerum ecclesiæ SS. Innocentium [] et charnerii ejusdem, etc. Item uxori ipsius Colardi pro Retentione veterum albarum ecclesiæ, xx. sol.
in Comput. fabr. S. Petri Insul. ann. 1475. Vide infra Retinere 2.
© École des chartes.