RHODINUS, Glossarium mediae et infimae latinitatis, Du Cange et al.

« Rhodinus color » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 182b. http://ducange.enc.sorbonne.fr/RHODINUS

RHODINUS Color, Ῥόδινος, Græcis, Roseus. Gloss. Græco-Lat. : Ῥόδινον, Roseum. Democritus in Physicis, inter colores τὸ ῥόδιον recenset. Apud Æginetam pigmenti genus memoratur τὸ Ῥοδοειδές. Color ille roseus, inquit Salmasius, in serico tingendo olim conficiebatur ex tuberculis adnatis radici Pimpinellæ : nunc etiam fit e quibusdam seminibus, allatis ex India Occidentali, quæ similia sunt cimicibus, quibus demtum caput. Anastasius in Gregorio IV. PP. :

Vela de Rodino quatuor, quæ sacrum altare circumdant.

Chronicon Fontanellense cap. 16 :

De vestimentis vero Rodinum optimum unum, planetas casulas quinque, etc.

Περιϐόλαια ῥόδωτα, apud Constantinum de Administr. Imperio cap. 15.

Leucorhodinus, Roseus dilutior, in Charta Donationis factæ Ecclesiæ Cornutianæ, edita a Suaresio :

Vela tramoserica Leucorhodina duo, etc.

Rhodomelinus, Color partim luteus, partim rosaceus. Eadem Charta :

Mafortem tramosericum Rhodomelinum aquilatum.

Vide Melinus.

Diarhodinus, Roseus color intensior, ex Græc. διαρόδινος. Bulla Benedicti VIII. PP. ann. 1023. in Bullario Casinensi :

Planetam Diarodinam aureis listis ornatam, una cum alba et cingulo, etc.

Leo Ost. lib. 2. Chron. Casin. cap. 44 :

Planetam Diarodinam phrygiis aureis pulcherrime decoratam.

Lib. 3. cap. 19 :

Pluviale Diarodinum magnum undique auro contextum, cum fimbriis nihilominus aureis.

Cap. 30 :

Pallium Diarodinum cum Phrygiis.

Cap. 73 :

Planetæ..... Diarodinæ deauratæ 3. diapistæ 2. etc.

Adde l. 1. cap. 47.

Dirodinum, pro Diarhodinum, Pallium diarhodinum. Epistola Michaëlis Imper. in Conventu Parisiensi ann. 530 :

Misimus...... blattas duas, Dirodina duo.