RIO, Rivus, fluvius, apud Hispanos et Italos. Scriptura Principis Adelgastri ann. 780. tom. 3. Concil. Hispan. pag. 89 :

Per contorquellos et inde ad illo Rio de Rivilla, etc.

Commensuratio aliquot prædiorum ann. 632. apud Mabillonium lib. 6. Diplomat. pag. 464 :

Deinde per ipso fluvio usque Rio, quæ est Salmagnaria.

Pluries occurrit ibi. Notitia judicati ann. 876. Marcæ Hispan. col. 798 :

De una parte in Rio, quem nuncupant Ferrario.

Rivus Ferrarius nomine, qui hic dicitur Rio, supra dicitur Rigus. Vide in hac voce. Acta dotis Ecclesiæ Rivipull. ibid. col. 819 :

Habet affrontationes per ipsa serra de Molella, sicut aquas vergunt contra ipsas Ecclesias, et venit in Rio Mexanos.