ROGALIA, Glossarium mediae et infimae latinitatis, Du Cange et al.

« Rogalia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 205b. http://ducange.enc.sorbonne.fr/ROGALIA

ROGALIA, Græcis Ῥογάλια, Libri, seu Acrosticha : in quibus non tantum virorum nomina, ordine quo procedere deberent, pro cujusque officii dignitate ; dum vocarentur, et eorum nomina a

Nomenclatore ederentur, ut est apud Luithprandum lib. 6. cap. 5. sed quantitas etiam rogæ, seu donativi, quod Presbyterium Anastasio dicitur, descripta, ut sciret unusquisque quid accipere deberet, cum ejusmodi rogæ a Patriarcha, vel ab Imperatore distribuebantur. Ita Cangius in Glossario mediæ Græcitatis et Suicerus in Thesauro Ecclesiastico. Perperam Meursius et Martinius Ῥογάλια dicunt esse dies, quibus rogæ ab Imperatore et Patriarcha clero populove donabantur.